點解九龍小巴路線76B來回路線唔相同？

往聯合醫院方向途經連德道，但往油塘方向就唔經連德道，係咪應該來回都經連德道先合理？

76B 開線初期係經藍田健康中心出返將軍澳道
起觀塘警暑U TURN上返秀茂坪
不過可能係太浪費potential energy
先改行連德道

以前啓田道落觀塘警署再上山, 往往滿座, 改行興田順路得嚟, 又可以博有人落車, 興田有位上客, 而且將軍澳道上山成日塞車, 行連德道避到塞.

往油塘行將軍澳道落啓田道, 基本上唔會塞車, 要塞嘅秀茂坪道天橋已經塞咗, 以前直落鯉魚門道, 反而有機會早繁要塞藍田站, 而醫院 曉光街都足以打爆架車, 要避塞已經改咗行啓田道落油塘, 行興田唔會快過直落啓田, 就無需要行興田了.

EX-TL 發表於 2020-9-7 03:45
以前啓田道落觀塘警署再上山, 往往滿座, 改行興田順路得嚟, 又可以博有人落車, 興田有位上客, 而且將軍澳道 ...

連德道擴闊後應該改行連德道落啓田道，一黎可以理順來回路線相同又唔會增加好多行車時間，二黎又可以做更多藍田客

唔經藍田站反而行啟田商場我覺得係要輔助60小巴， 同一個系列嘅76A都無啦啦去埋順天， 原因都係一樣， 而且仲可以做啟田至油塘特快

tommy14D 發表於 2020-9-26 22:19
唔經藍田站反而行啟田商場我覺得係要輔助60小巴， 同一個系列嘅76A都無啦啦去埋順天， 原因都係一樣， 而且 ...

印象中76A之所以改經順天
係因為客量比76B差
所以希望改道可以吸多啲客

JX9097 發表於 2020-9-26 23:40
印象中76A之所以改經順天
係因為客量比76B差
所以希望改道可以吸多啲客

不如76A延長落油塘，方便同76B互跳。