其實italk呢度好多篇討論都有類似情況, 板友錯重點的問題, 我作為旁觀者, 有時都會睇唔過眼, 好想話番佢轉頭!
A19板回文本身係讓板友們獻計, 畀樓主從中揀選最切合他個人的出行方案.
亂入鬥快鬥平鬥呢樣嗰樣嚟指責人者, 其心態好難明白!
因為除左樓主之外, 任何參與討論者最多只可以指出對方一啲技術性錯誤, 而唔應該對建議加鹽加醋.
有時真係忍唔住, 越來越多板友中文閱讀能力不佳, 唔明其他板友意思, 或曲解, 或斷章取義, 甚或惡性回覆, 出現種種正常難以理解的討論心態, 會為原文者都來壓力.
此等行為唔止影響討論氣氛, 而係例如我好多時按入回覆, 打好左一段文字, 只差send出去呢一步, 最後都冇send到, 寧願quit番出去, 嘆一口氣, 就只係想換來避免自己捲入無理是非當中, 要不停回覆呢啲無聊對答, 既浪費時間, 又影響心情!
可能現在很多人比較得閒, 網上發言又唔駛點負責, 但可唔可以畀多少少時間去理解人哋講緊乜, 塊板擺喺度係有咩用途, 而唔係要人哋陪埋你攬炒, 傷害緊人, 自己都唔好過! |
