港鐵擬推票價優惠 相等於減價20至30%

減車費須先解決同類路線不同價,短途較長途車程貴的情況,價高者減.並有必要提供分區周票,月票,以及超越範圍只需補差價.

wln162 發表於 2020-4-8 14:12
減車費須先解決同類路線不同價,短途較長途車程貴的情況,價高者減.並有必要提供分區周票,月票,以及超越範圍 ...

講到口都臭﹐現時mtr的月票設定﹐已經過晒時﹐仲係用 "線" 去做分類。
佢有都會票﹐都算係想通左這個過時的思維。
不過﹐這張車票都係針對中長程的乘客。

而家﹐真係中長途客才會有優惠車票。單程唔過$11的車程﹐簡直係無機會有優惠車票。




正如你所講﹐應該同單程票的票價做分類。

*以下的車費只作講解之用

例如 :
一張月票係$400﹐佢就可以30天內坐$10以下的車程 (可以係任坐﹐又可以係每天限坐4次做封頂)。
如果坐$12的車程﹐乘客補$1-1.5﹐唔需要補全費。如果係有封頂次數﹐額外的車程有8折。

同時﹐又有$200的月票供短程客﹐適用$5以下的車程。

這樣﹐現時所有月票都可以取消﹐由全新系列的月票取代。

不過﹐mtr又點會這樣做。

kei_hk 發表於 2020-4-8 14:28
講到口都臭﹐現時mtr的月票設定﹐已經過晒時﹐仲係用 "線" 去做分類。
佢有都會票﹐都算係想通左這個過時 ...

依定市區線只有一兩個站車程八達通收平過五蚊

sq285 發表於 2020-4-8 14:42
依定市區線只有一兩個站車程八達通收平過五蚊

我上面的車費﹐講明只係用作講解﹐唔好當係一個建議。

我只係想帶出﹐mtr 一直以來﹐根本無為中短程乘客提供優惠車票。
所以﹐可以借改革月票分類去處理這方面問題。

kei_hk 發表於 2020-4-8 14:45
我上面的車費﹐講明只係用作講解﹐唔好當係一個建議。

我只係想帶出﹐mtr 一直以來﹐根本無為中短程乘客 ...

坦白講，佢做七折八折promote吸客啫，真心為香港人咩？

有心做就一早做左定期券啦

希望巴士公司都可以推類似優惠減價

如果係段片所描述由政府同港鐵分擔，即係變咗用公帑補貼聲名狼藉嘅港鐵，只會引起更多民憤。如果同時補貼巴士小巴會公平啲，雖然到時就輪到的士紅van 背後嘅利益集團嘈。相關利益集團對政府都幾有影響力，可能又要求更多現金資助

Quanta 發表於 2020-4-8 16:10
如果係段片所描述由政府同港鐵分擔，即係變咗用公帑補貼聲名狼藉嘅港鐵，只會引起更多民憤。如果同時補貼巴 ...

咁政府係港鐵嘅大股東，佢唔收股息拎出嚟我唔覺得算係補貼嘅。