呢幾日西隧塞到東隧口，但係西環入完全唔塞

西隧有3條線，西環方向2線入，中環方向2線入，正常情況下用西隧嘅車有以下：港島西去九龍／新界大部分地方（西環入），港島其餘地方去成大個新界西加部分九龍西（中環入）。咁好明顯後者嘅量遠多於前者啦，得嗰2條線去做全新界西嘅過海車流點夠用？反而西環入嗰邊嘅來源得香港仔、薄扶林同西環，除咗西環之外得啲市郊地區，多極有限啦，山道天橋得1條線都唔會塞車嘅。
我誇張啲講，呢排收工塞車關我屁事，我西環入從來無塞過車，以對上幾日收工時間塞成咁，由銅鑼灣出發，兜入香隧、薄扶林再經山道天橋過西隧都隨時快過硬塞干諾道！究竟當時點解會設計成咁？天價隧道竟然係塞喺隧道入口而唔係條隧道本身？

西環方向係預埋有4號幹線及後來加埋東大嶼都會的。
東大嶼都會類似概念在港英時代已有（由竹篙灣填到交椅洲），只係上述計劃而家未成事，西環方向才較為冷清。
紅隧開返，西隧車流就會回復正常，只係放工時間較為多車。

的確冇左紅隧既日子，例如下繁就連港島入西隧既車流亦大增。
加上西行過左繞道有段只得單線既弊病樽頸路段設計，這足以令下繁西行入西隧既車流塞到去繞道裡面。
陰功在youtube裡面亦唔多有片記載呢類史實，
我亦都唔係有跟到某班118P簡直可以話係完全唔知有發生過咁既事：
https://www.youtube.com/watch?v=B-uMioluWV8
亦都難怪巴士公司唔敢試多D巴士線改行西隧。

不如你睇吓西營盤交匯處同干諾道西天橋係點設計先？東隧你係咪又噉講？
>天價隧道竟然係塞喺隧道入口而唔係條隧道本身？
有冇 common sense 㗎你？