海濱花園新紅van線?

kei_hk 發表於 2019-8-16 14:26
成條永順街都係紅VAN禁區﹐google map街景圖﹐2邊的入口都見到小巴禁區牌。

永德街就..... 2邊都唔見有牌 ...

咁未必係整漏禁區牌，因為果度唔係「新發展區」，在華人墳場出現時已經有。

ricky 發表於 2019-8-17 18:54
咁未必係整漏禁區牌，因為果度唔係「新發展區」，在華人墳場出現時已經有。 ...

即使不是新發展區﹐政府都有權設立限制區的。

成條永順街﹐由荃灣公園附近的起點﹐去到墳場/葵涌公園另一邊的入口﹐都係紅VAN禁地。

反來加建的永德街﹐由於只有一頭一尾有出口﹐無法通去其他地方(除屋苑之外)﹐變相就係紅VAN禁地。


至於點解我話係整漏﹐關鍵就在永順街的出口。

既然成條永順路都係紅VAN禁地﹐為何會有另一條路﹐係沒有相關路牌﹐令到紅VAN 可以突破進入?

如果永德街在永順街一邊出口係有紅VAN禁區牌﹐我就一早會認同永德街並非紅VAN禁地﹐唔會講係一個漏洞﹐有bug出現。
因為﹐跟路牌指示都唔可以突破永順街的紅VAN限制。

講咁多野....咁政府憲報點樣寫啊...
磚家同專家都係差少少

kei_hk 發表於 2019-8-17 21:53
即使不是新發展區﹐政府都有權設立限制區的。

成條永順街﹐由荃灣公園附近的起點﹐去到墳場/葵涌公園另 ...

禁唔禁都無分別，因為果個位都無乜戰略價值，唔通真係搵「鬼」搭咩

kei_hk 發表於 2019-8-16 14:17
睇下幾時比運輸處發現﹐封番個漏洞。

曾幾何時﹐由於受道路工程影響﹐青衣南橋個小巴禁區牌唔見左﹐仲 ...

青衣嗰單嘢有無 source
另外，如果先「開線」後棟禁區牌，肯定畀人嘈
同埋，運輸署有時係會放寛禁區，放寛一段永順街北行未必不可能

wingho_cwh 發表於 2019-8-19 22:07
青衣嗰單嘢有無 source
另外，如果先「開線」後棟禁區牌，肯定畀人嘈
同埋，運輸署有時係會放寛禁區，放寛 ...

青衣一直都係紅VAN禁地﹐南橋及北橋的入口﹐一直都有相關路牌﹐當時都仲未有汀九青馬..... 等新橋。
前文都講了﹐係有一段時間南橋葵涌入口有大型道路工程進行﹐在工程期間開始出現路牌 "消失"﹐去到工程完成後一段相當長的時間﹐都未有補回。


你有幸﹐應該可以在本版搵到舊文的。
(唔知N年前的舊文﹐是否已被刪除)

kei_hk 發表於 2019-8-17 21:53
即使不是新發展區﹐政府都有權設立限制區的。

成條永順街﹐由荃灣公園附近的起點﹐去到墳場/葵涌公園另 ...

問過住附近的街坊，佢話永德街以前係工廠出入口，根本唔通永順街，好似而家咁樣打通已經係 2012 年的事。

ricky 發表於 2019-8-20 22:12
問過住附近的街坊，佢話永德街以前係工廠出入口，根本唔通永順街，好似而家咁樣打通已經係 2012 年的事。 ...

以前起西鐵就拆左2座工廈﹐自此條路就封左。
之後起番住宅﹐再延長就成為今天的樣子。

就係以前根本唔通永順街﹐所以以前就唔會係紅VAN禁地。打通永順街之後﹐又無官員發現有漏洞﹐所以一直都無在合適地方補番個路牌/做番相應程序的跟進。

啱啱搵返十年前嘅舊文

gn3509 發表於 2009-2-21 12:45
好似係因為工程而移走塊牌之後唔記得植番落去
結果有紅小做青旺線
不過入到青衣一樣比人抄牌

JN6854 發表於 2009-2-21 20:25
當年「青旺」張單張我好似仲keep住
只係唔知放左去邊

JA5674 發表於 2009-2-23 12:22
當時仲有青衣 <> 灣仔

去旺角 $10
去灣仔 $16
青衣區內 唔知 $3 定 $5

果時仲有塊「廣告版」

最後好似開左幾日...

如果有人可以刮得返一 d 有關呢兩件事嘅資料出嚟就會更清晰，唔知有無人影過所謂嘅「廣告版」同埋宣傳單張?

條線無客,依家得兩班
如果開學後都係咁似乎應該都唔會做落去

不過紅VAN今時今日唔吸引
無得拎補貼