八年前今日，此地最擠擁 (已補圖）

小弟讀既中學，當年都係因為有個啟德機場而成為第一批班房裝冷氣同埋夾層窗既學校。
上緊堂果陣（尤其係中文堂），好多時都同班同學一齊望出窗睇飛機，
果陣隔幾分鐘就有一班飛機降落緊，好精彩架。

到左啟德既尾幾日，屋企人報左個「新舊機場泰國五日團」，2/7 出發，6/7 返香港。
出發果日機場附近簡直係水洩不通，拖住幾件行李都幾難行下，
但係因為冇咩時間剩，冇出到去影飛機，只係留係機場入面四圍影。