中西區區議員要求上環站增加出口連接半山區

https://www.districtcouncils.gov ... 704_DC_WQ4_2019.pdf

政府及港鐵回覆：
https://www.districtcouncils.gov ... Q4_2019_Annex_I.pdf
https://www.districtcouncils.gov ... 4_2019_Annex_II.pdf
https://www.districtcouncils.gov ... _2019_Annex_III.pdf
https://www.districtcouncils.gov ... 4_2019_Annex_IV.pdf

其實中西區區議員提出這個概念很好，方便堅道一帶居民乘坐MTR。

說真，如果真的成事，對巴士的衝擊更大。

基本上港鐵唔會主動出錢起

四個 parties 都話自己唔關事

有一排響上環返工，日日迫A2出口，其實A2出口呢D早期設計已經超出負荷，但講真成個上環站都係細，要擴建似乎都幾大工程，唔知要點封路起呢（未計影響樓宇結構問題）？

上環站有兩邊大堂。西大堂（A至D出口）已經飽和，也難以擴建。反而可以從東大堂（E出口，林士站月台遺址）入手，重新打開部分林士站月台預留隧道，改為出口通道⋯⋯
只是山上搵邊個位做出口都係問題⋯⋯最近同最有機會應該係用九如坊遊樂場改建；拉過去卜公花園又似乎遠得濟（雖然西營盤、港大和何文田已經起咗N個長通道出口）

jpoon 發表於 2019-6-29 05:38
有一排響上環返工，日日迫A2出口，其實A2出口呢D早期設計已經超出負荷，但講真成個上環站都係細，要擴建似 ...

其實如果要擴建，反而係西港城同上環文娛中心做手腳，再駁去卜公花園。

當年設計整個上環站，係刻意將月台拉長到急庇利街加設緊急出口。
港英政府當年亦有考慮全面重建整個上環街市做發展，再駁落去上環站，只係 90 年代決定列為古蹟活化成為西港城而告吹。

dennis28a 發表於 2019-6-30 01:30
其實如果要擴建，反而係西港城同上環文娛中心做手腳，再駁去卜公花園。

當年設計整個上環站，係刻意將月 ...

然而現時流行的講法是，上環站對超長月台係因為張則畫錯咗⋯⋯全香港咁多個地鐵站，上環站可能係最多「都市傳說」的一個

hellomato 發表於 2019-6-30 11:20
然而現時流行的講法是，上環站對超長月台係因為張則畫錯咗⋯⋯全香港咁多個地鐵站，上環站可能係最多「都 ...

上環站超長月台，主因德輔道中地底結構唔能夠安放一個完整島式月台及完整大堂，
加上地底多為嚴重腐化花崗岩，直接上至下明挖會嚴重影響電車路運作以及兩旁舊樓建築結構。
最後先用壓縮空氣挖通金鐘至上環越位隧道，再在上環站範圍挖多一點建造兩個側式月台。

正正因為上環站壓縮空氣只能處理地底較深月台工序，不能直接在月台上方挖掘一個完整大堂，
而要選擇性收回德輔道中樓宇及拆除舊上環街市南座安放通風口，急庇利街緊急出口及禧利街大堂，以及林士站預留結構。
但仲有一個問題要解決，點去貫通摩利臣街通風口至林士街預留結構呢？唯一方法係索性拉長月台。

以上大部份內容均有舊報紙、地鐵紀錄片、通車特刊支持。
盛行唔一定正確，都市傳說只係誤解。

根據 1982 年《大公報》提及，上環站當年合約編號為 401 同 402。
合約 401：上環站林士街東面大堂四層地庫、林士站東九龍綫預留結構、林士街巴士總站
合約 402：上環站主結構（中央大堂、月台、急庇利街緊急出口）、越位隧道（上環街市、高陞街通風口）

如果真係畫錯圖則，又點會 1982 年批兩份同今時今日設計一樣既合約呢？