喜見高鐵西九站新增三條長途列車

TuNg''=) 發表於 2019-6-6 21:31
去廣州依然係直通車有優勢，廣州東係廣州市中心天河商業區啊！
廣州南離市中心好遠架。

廣州市中心並非只有天河商業區，越秀北京路、荔灣上下九路一帶都係廣州市中心，由廣州東搭地鐵去都要20-30分鐘，根本只比廣州南快10分鐘，將來8號線延長至上下九路後，廣州南去上下九路時間仲會同廣州東打平。

廣州南搭地鐵去天河體育西路係37分鐘，廣州東搭地鐵去天河體育西路係6分鐘但高鐵本身車程就快直通車60-70分鐘，所以坐高鐵去天河體育西路都會比直通車快30-40分鐘。

而且幾年後香港高鐵能夠直入廣州東站，直通車全面取消係註定的事實

Leslie_lam 發表於 2019-6-7 07:42
但係喺塘廈聯絡綫開通后，往西九嘅列車喺停塘廈（東莞南）站，原因：廣深城際綫運力緊張，停咗直通車可 ...

福田站有車到廣州東站已經可以分流部分原本去深圳站上車的乘客

Kaix 發表於 2019-6-7 12:20
廣州市中心並非只有天河商業區，越秀北京路、荔灣上下九路一帶都係廣州市中心，由廣州東搭地鐵去都要20-3 ...

開左高鐵的確令到廣九直通車少左唔少客，不過全面取消我覺得可能就未必，西九未必食得曬呢堆直通車加將來新增既跨省車。至於剩下既京九同滬九，我覺得都會keep返住。

就算廣九直通車全cut，對於東鐵甚至上面已經四線化廣深線黎講，作用都唔太明顯，因為本身班次唔密，直通車唔係東鐵線加唔到車最大罪人，最大罪人係沿線大量"臨時"速度限制

ryumew 發表於 2019-6-7 09:58
看到app , 新G6587和未更新的G99都是開21：32那麼搞笑，我估G99也許經過提速后早少少到達廣州南提早開出 ...

     係啊！冇錯，廣深港高鐵同埋京廣高鐵將提速至350km/h，所以部分列車行駛時間將有所縮短，雖然廣深港高鐵就慶盛站嗰一段可以行350km/h，但係都可以慳返唔少時間。

Leslie_lam 發表於 2019-6-7 14:38
係啊！冇錯，廣深港高鐵同埋京廣高鐵將提速至350km/h，所以部分列車行駛時間將有所縮短，雖然廣深港 ...

最有興趣知，廣深港行350後，香港批380A點算？
全部行晒深北-西九？
定系照上廣州，但站站停比人地AFBF爬頭？

HU6455 發表於 2019-6-7 16:34
最有興趣知，廣深港行350後，香港批380A點算？
全部行晒深北-西九？
定系照上廣州，但站站停比人地AFBF爬 ...

唔會，但大多數都係虎門，深圳北，福田咁停，有一對係深北及光明城後直接廣州

HU6455 發表於 2019-6-7 16:34
最有興趣知，廣深港行350後，香港批380A點算？
全部行晒深北-西九？
定系照上廣州，但站站停比人地AFBF爬 ...

應該唔影響，南寧好似都係用380A

053h4 發表於 2019-6-7 18:25
直通車由3-4線，切入廣深正線1-2線先到車通車指定月台

由於直通車本身等級高，動車係要讓直通車過，所以 ...

你講呀，有幾多年冇坐過直通車？ 你夠我坐得多？而家冇直通車優先過動車既事，調轉反而仲有，所以直通車多年來經常晚點。