探討小巴加價審批權下放到區議會的可行性

其實小巴即係「專利」嘅小型巴士，
無理由賬目唔係好似專利巴士咁公開，
而家運輸署嘅審批是否合理亦無人監管

哈, 咁肯定永世都加唔到價

加價前通常會通知區會

盤數唔爛係唔會批到加價

咁鍾意話牌費係導致加價, 但我就當租牌費租車費係零
依家兩更只係人工都過千
連埋油費/氣費...
要一日接幾多個客先可以夠比呢筆錢?

好多收車就係因為冇人做
再加人工連微利都冇得食

見有客就搵巴士幫手做
加價又咁多制肘
搵邊個做

村巴係因為決定呢個服務係響業主立案法團
如果業主立案係個代議政制下既產物
佢唔鍾意呢間...就可以再搵

去返小巴度..... 沿途要經幾多個利益團體?
憑你? 呢度冇一個得

有時真係要用腦諗一諗
腦蠢左唔緊要..

我想問有邊個區議員會公開支持小巴加價呢？區議員又識唔識睇小巴嘅賬目係大蝕定少蝕呢？村巴好多時由業主立案法團畫線招標，有咩事就擺上去傾，居民不滿就唔再搵嗰間公司做。小巴呢？要經哂兩三個區議會，去聽啲冇乜用嘅說話，去證明有/冇加價嘅需要，其實又好似有啲多餘。同理，巴士公司申請加價又有冇經區議會？循例立法會兜個圈就算，要經哂十八個區議會其實冇乜作用。反建議區議會需要被知會小巴公司有加價申請嘅時候，有權要求較優質嘅服務，咁會唔會實際啲？

叫佢哋班區議員投標嚟做，咪知道有幾好做囉？

問吓啲市民是否每年都無人工加都繼續做落去