西鐵大欖隧道北行最近非繁時都改用慳電行車模式

由荃灣西起跑加速，到目標速度後滑行到某個目標速度後先再加速，然後再滑行不停loop，直到八鄉車廠附近，行車時間慢o左近1分鐘

另外，今朝繁時由荃灣西開去美孚竟然一氣呵成，無o係近中性區後不停加減速

荃灣西至美孚南北行所有限速差唔多全部無晒，得返波口同美孚前大彎有限速，美孚至荃灣西唔駛4分鐘就到，快好多

rickywk 發表於 2019-2-25 22:46
荃灣西至美孚南北行所有限速差唔多全部無晒，得返波口同美孚前大彎有限速，美孚至荃灣西唔駛4分鐘就到，快 ...

咁耐以黎係咪第一次?又話中性區一定要減速。有冇人知點解會咁???

20160424 發表於 2019-2-26 09:08
咁耐以黎係咪第一次?又話中性區一定要減速。有冇人知點解會咁???

https://www.hkitalk.net/HKiTalk2/thread-1043231-1-1.html

上回提要，當時指出係港口鐵路預留位影響，所以西鐵近荔景一段要限速，但呢個限速位由擒日開始取消

rickywk 發表於 2019-2-25 15:44
另外，今朝繁時由荃灣西開去美孚竟然一氣呵成，無o係近中性區後不停加減速 ...

應該系禮拜六日先改，禮拜五搭個時仲系有限速，去到星期日再搭就變左無，好唔習慣

用葵芳呢一段去加返速換大欖慳電模式，時間上應該打和?龜鐵又嬴左!

20160424 發表於 2019-2-26 10:00
用葵芳呢一段去加返速換大欖慳電模式，時間上應該打和?龜鐵又嬴左!

非繁時應該打和，但繁時大欖隧道都跑足數，所以整體上有慳到時間，而大贏家當然係荃灣西至美孚呢段，慳近一分鐘

欖隧北行如果target是100km/h及採用+1/-10滑行模式，荃灣西至錦上路的車程大約是6分14秒 (由起步至停下)，你下次可以計一計時，看看是不是此模式。
至於下葵涌隧道65km/h限速，經過多年來的測試及準備工作，到昨日正式落實取消，實屬好消息。始終港口貨運線已無限期擱置，剔除預留波口位的限速是明智的決定。

rickywk 發表於 2019-2-26 10:12
非繁時應該打和，但繁時大欖隧道都跑足數，所以整體上有慳到時間，而大贏家當然係荃灣西至美孚呢段，慳近 ...

港鐵官網未更新仍然話荃西至美孚仍然要6分鐘
不過真係太好，即係屯門至紅磡繁時全程應該35分內搞掂。