離島vv車問題

離島vv車話唔可以載客，但法例相關條文好像沒看錯的話是說如果是高爾夫球車的話可以，那是不是高爾夫球車可以在離島道路上載客行駛？

https://www.elegislation.gov.hk/ ... D_1438403130371_003

374N 章係規管鄉村車的﹐看入面第3條e﹐以我理解就係高球車都係屬於鄉村車﹐分別只係載客的鄉村車(高球車) 及 一般用作載貨的鄉村車。

而入面 第9條第2點﹐就清楚講述每一部車(每一張許可證)的會有一定的限制﹐包括可以/不可以行駛的道路﹐以及可載乘客人數(如適用)。

講開又講, 而家市區車牌都出到VV, 咁係咪會跳過鄉村車已有號碼? 抑或鄉村同市區VV牌分兩邊出, 彼此不受影響?

JZ3968 發表於 2018-11-10 19:51
講開又講, 而家市區車牌都出到VV, 咁係咪會跳過鄉村車已有號碼? 抑或鄉村同市區VV牌分兩邊出, 彼此不受影響 ...

上文提及 374N 章係鄉村車﹐這些車係用 "許可證" 的﹐車上的編號就係 "許可證" 編號。

而 374E 章係供一般車輛使用的 《道路交通(車輛登記及領牌)規例》﹐大家所講的車牌號碼﹐入面係用 "登記號碼"。

即是鄉村車 及 普通車的號碼﹐係2套不同的system。
而 374E 章入面第11條﹐亦無預留 VV 字頭不作公開編配。

即係﹐有機會同一個 VV 字牌﹐又在一般車輛上應用﹐亦有在鄉村車上應用。