粵港旅遊巴變身港珠澳大橋穿梭巴士 [5 pics]

港珠澳大橋穿梭巴士星期三投入服務，粵港安排多部新舊旅遊巴士臨時貼上穿梭巴士金色貼紙，而有關巴士和其他穿梭巴士一樣，統一換上了「粵Z YUxx港」或「粵Z YVxx港」大陸車牌。




相片由釣魚郎提供

另Scania K250

批臨時車應該好坐過批正莊車

港珠澳字軌車鎖晒車速，最多行76，一個單行八九個字。旅遊巴只要司機肯踩，多數可以爬一兩班車，七個字行完。

但而家D旅遊巴成日俾250和A95爬頭呢,都唔知點解行咁慢.

其實短時間內起碼要加多一百部金巴先清到客。

暫時好多人都重未敢用大橋，但論方便程度肯定大把番頭客。

053h4 發表於 2018-10-28 14:07
其實短時間內起碼要加多一百部金巴先清到客。

暫時好多人都重未敢用大橋，但論方便程度肯定大把番頭客。 ...

你叫澳門政府批准澳巴同新福利加車，同埋俾發財車直接由口岸開去娛樂場先，仲有整好友誼圓形地個路口，否則你一百架金巴嘅客全部堆晒喺澳門口岸走唔到。

PB602 發表於 2018-10-28 18:41
你叫澳門政府批准澳巴同新福利加車，同埋俾發財車直接由口岸開去娛樂場先，仲有整好友誼圓形地個路口，否 ...

澳門同珠海呢d管治質素, 要有壓力先做到野

https://hk.news.appledaily.com/b ... e/20181028/58846045

我都唔明點解預咁少車

城巴應對紅日人流B3X拉幾十部車呢種效率真係好難係珠澳呢D地方出現

053h4 發表於 2018-10-28 20:14
https://hk.news.appledaily.com/breaking/realtime/article/20181028/58846045

我都唔明點解預咁少車

澳門交通規劃真係宇宙最強，完全浪費港珠大橋澳嘅功能：
鐵路建設：條輕軌就快好似聖家教堂咁起100年都未起好，而且有排都未規劃到港珠澳口岸。

道路建設：澳門口岸只有一條路去友誼圓形地，於是往返關閘、黑沙環、港珠澳同氹仔、新口岸、皇朝嘅車全部迫晒喺一個點，大部分時間都塞到痴線，澳門政府嘅解決方法係竟然係喺迴旋處交通燈，於是一車多就塞死！而友誼大馬路北行唔可以直接右轉港珠澳口岸，要兜到去差不多關閘先可以調頭，製造無謂車流。

巴士路線：102X走線絕對世界級，叫做氹仔快線，但先同你兜入黑沙環塞三四個字，然後兜出新口岸再行舊橋，但既唔停港澳碼頭又唔停萄京，去到氹仔又只去舊市區唔入路氹城。既然叫得做氹仔線，點解路可以一出港珠澳口岸就直上友誼橋，然後直去氹仔市區同路氹城？你怕唔夠客最多咪兜埋蓮花口岸再落埋石排灣囉。