大埔往銅鑼灣

下午一時，由大埔中心總站至銅鑼灣希慎。
利申先: 我星期日啱啱做咗呢樣野，諗來諗去都諗唔到有咩好方法。
以下有幾個方案，但我唔肯定有無常客 (e.g. 住大埔，返工地點銅鑼灣) 會諗到更好方案，或者有某個方案特別好或者差之經驗。
1. K12 -> MTR -> 112/116
2. 74X/75X -> 673
3. 307 -> 電車
基於我手上有九巴月票，較啱時間後我選擇咗 74X -> 681 -> 603 -> 電車，全程唔使好多等車時間。
不過咁樣搭都幾慢，主要原因係 603 轉電車唔方便 (我喺灣仔轉，行路都要差唔多 10 分鐘)。我喺東隧上 603 果陣，673 仲有接近 15-20 分鐘先到 (唔太記得，我大老山落 74X 果陣有班 673 走咗無耐)。到後來上咗電車，去到接近鵝頸橋，喺對面線見到 (應該係下一班) 673，所以如果清風街附近無大塞車，用 15 分鐘等 673 可能更着數。另外印象中當時 680 要等比較耐，619 係城巴班次，601 同 690 唔記得，當然去希慎 673 同電車站位最好，所以無選擇轉其他東隧線。
個人覺得 1 比較可靠 (我唔介意 112/116 落橋果種塞車)，但觀感唔好同較大機會無位坐。2 都比較貴，同埋 673 唔啱時間會等好耐。3 呢，我覺得呢種轉法有少少無謂，當然回程就幾肯定 307。1 仲有個 variant 係轉 182，雖然比較疏車，但過咗紅隧唔使塞可以直接落車，計埋步行時間可能有着數。不過紅隧口等 182 觀感都幾差。

大家點睇? 唔介意非九巴方法。

307 舊灣仔警署行過去

72X 271到九龍塘站 龍濤花園 九龍醫院轉170, 景隆街落車行入去.