中秋節正日落大雨?今日正是!

好似冇乜點試過中秋節正日落大雨

都唔係, 印象中好多時中秋節都會掛風球或者打風, 機率有四五成(憑空講, 無查過資料)

2002年9月22日中秋節翌日（唔係正日），我同屋企人去北潭涌BBQ，到夜晚突然有局部地區性雷暴，所有人狼狽地雞飛狗走，親戚住沙田剛好截到綠的走晒，我同我媽排96R，好多人排隊，部車由黃石出到來已接近爆棚，上到唔係幾多個，我同我媽幾經辛苦終於攝到上去做閘長。之後大部分路段都飛站，我去到彩雲先有位坐。

根據天文台記錄，當日雨量為83毫米，前一日係微量，後一日係0毫米，00:40-09:00出過雷暴警告，晚上的雷暴事前毫無先兆。