點解九龍小巴51m會咁好客？

我認為咁近距離，其實行路都得

有好多路線都距離好近，但視乎行嗰條路俾人感覺係點。舉個例：彌敦道油麻地花園酒樓去太子界限街口，甚少選擇搭車；
粉嶺華慧園去上水火車站，大部分人會選擇搭車。
呢兩段路，同你舉例嘅路線距離差唔多。

KC3555 發表於 2017-12-5 00:28
有好多路線都距離好近，但視乎行嗰條路俾人感覺係點。舉個例：彌敦道油麻地花園酒樓去太子界限街口，甚少選 ...

油麻地去太子, 好多人會選擇搭兩個站地鐵喎
喺旺角咁迫人嘅路行, 又要過 n 條馬路, 嘥時間又辛苦

KC3555 發表於 2017-12-5 00:28
有好多路線都距離好近，但視乎行嗰條路俾人感覺係點。舉個例：彌敦道油麻地花園酒樓去太子界限街口，甚少選 ...

我認為麗晶既居民經觀塘道行去德福應該唔係好遠

Quanta 發表於 2017-12-5 12:19
油麻地去太子, 好多人會選擇搭兩個站地鐵喎
喺旺角咁迫人嘅路行, 又要過 n 條馬路, 嘥時間又辛苦

其實有好多人係會咁行，呢一班人就係行街Shopping嘅人。
我舉呢個比喻，其實係話一樣嘢：視乎你條路環境同埋途經呢條道路嘅目的。可以導致人究竟用唔用交通服務。

shing2664 發表於 2017-12-5 12:28
我認為麗晶既居民經觀塘道行去德福應該唔係好遠

無論你行內街，定行觀塘道，條路都係大概1.7-1.9公里到麗晶花園。同我所俾嘅兩個例子距離都係相若。
就算九龍灣站去九龍灣運動場，我同樣都係會搭小巴。
有時遠近需求關乎很複雜的心理因素，年齡或體力限制問題。不能就咁按距離就可以下定論。

shing2664 發表於 2017-12-5 12:28
我認為麗晶既居民經觀塘道行去德福應該唔係好遠

行去搭地鐵, 應該係去彩虹站近D, 而去德福的目的, 未必係搭地鐵.

坪石去淘大一條直路, 但都冇乜人會行路, 寧願搭兩個站巴士, 你就明白有時唔係純粹距離短, 就一定揀行路, 如果係嘅, 大把人揀游水過海, 都唔會迫地鐵塞巴士.

條路好唔好行，途經既地方咩質素，甚至直不甩實兜出再兜入，都會做成座車好過行的分別

麗晶行去德褔，無野睇工業區一個，我都會想俾幾雞搭車上去算

首先睇你邊個方向, 去將軍澳果邊同港島東就通常去左九龍灣

去彩虹唔係唔得, 只係條隧道咁多上落斜唔係個個人鍾意
咁去九龍灣, 除左18-22座之外, 都唔算好近啟業
莫講話麗晶.. 啟業都好多人搭小巴去德福
行運動場果邊落完隧道之後上天橋, 最重要係無升降機得斜路樓梯
行觀塘道又等於做吸塵機
最後咪就係搭小巴算數啦

可能去megabox會行嘅人, 仲多過去德福

你認為好行 居民覺得唔好行

完