西荃線服務調整

2017年9月1日起，西荃線往西環方向0600-1600班次縮短至皇后大道西與卑路乍街交界，1600後班次仍然在荷蘭街為終點。

資料來源：車上通告

今天我是港島線西延後第一次坐西荃線，千色店已經坐滿，不知道這樣是否可以加快回車呢？

其實觀塘線同荃灣線而家個模式好蠢，來回程路程重疊得好勁。

以西荃為例，返西環先經過信德、上環、西營盤再到荷蘭街，然後吉車返修打蘭街。 修打蘭街開又因為站頭方向問題，就算滿客都要轆到水街/正街先出到隧道，無客更甚，要轆到太平洋，都未必上滿。結果一轉車有成起碼40分鐘路程都喺西環-上環。
如果佢哋肯搬站頭去爹核士街，當你慢慢行曬成條電車路去到信德先調頭入西隧，來回程喺西環嘅時間都只係20分鐘內。剩低嗰20分鐘夠你去到葵芳有突，小數怕長計，繁忙時間每架車可以做多一轉。

我唔知其他乘客點諗，但係我喺西港島線通車已經無再由西環搭小巴去葵芳。唔係因為我轉投地鐵，係因為我唔知幾時有車。我寧願搭流水線去修打蘭街轉930。雖然930有時啲班次都係垃圾，但係起碼我知道會有車來先。站喺我角度我覺得將站頭擺去西環尾一來乘客可以起雙飛，二來減少空載嘅車程，油都慳多啲。好過為咗慳1分鐘路程縮去大道西，搭你都係貪行少兩步，你要我行不如我930轉流水線仲好，仲平1.5添。

khl265 發表於 2017-10-2 12:32
其實觀塘線同荃灣線而家個模式好蠢，來回程路程重疊得好勁。

以西荃為例，返西環先經過信德、上環、西營盤 ...

紅小站頭一向講勢力，會唔會唔係唔想搬，而係搬唔到？

係西環尾應該趕走大丸線、西觀線
搬去爹核士街全日，放棄修打蘭街
食返一班仲意一程過的客

238X 發表於 2017-10-5 22:55
紅小站頭一向講勢力，會唔會唔係唔想搬，而係搬唔到？

唔會啦 以前就話大家競爭對手無得傾姐 而家西環尾嘅紅van都收哂檔啦 邊有人同佢爭
最大阻力係西旺同埋政府比唔比西環尾個站頭佢姐

紅van班次唔準，鍾意做就做，唔做就唔做。以前未有港鐵，又無直接巴士到，無辦法選擇紅van。而家有港鐵，乘客梗係搭港鐵。