初夏日本鐵路遊記(重點:遇到四季島+瑞風)

PS8851@182 發表於 2017-7-12 23:22
長距離單線行車就係咁樣, 我都試過JR九州(日豐本線)同JR東日本(釜石線)純粹因為等對頭車而delay約10分鐘
...

好神奇嘅係有時等對頭車反而係恢復準時嘅一個好辦法，我果次係倉敷開車已經遲左3分鐘，不過因為要係生山駅等對頭嘅sunrise express 所以去到松江嘅時候1分鐘delay 都冇

A285 發表於 2017-7-14 00:05
好神奇嘅係有時等對頭車反而係恢復準時嘅一個好辦法，我果次係倉敷開車已經遲左3分鐘，不過因為要係生山 ...

應該係去到生山之前要追番時間所以先準時，可能架車一直喺力行狀態，盡量保持喺該路段容許既最高速度附近，無惰行。如果唔係就會有連鎖反應搞到對頭車都遲埋

cyc_yin 發表於 2017-7-14 00:32
應該係去到生山之前要追番時間所以先準時，可能架車一直喺力行狀態，盡量保持喺該路段容許既最高速度附近 ...

我依稀記得果日1分鐘都追唔到，只係因為生山係停車5分鐘所以有2分鐘走盞

PS8851@182 發表於 2017-7-14 10:07
去大沼公園程KIHA261係咪Green Car?

yes 唔記得左講因為劃唔到位所以得指定席坐，不過都好好啦

琴日經歷左非常輕鬆嘅鐵路遊，今日就啱啱好調返轉係搭得最長嘅一日(時間就唔係最長)，青森→秋田(五能線經由)→田沢湖→仙台→大宮→金沢 總共搭左1300.1 km，一日內已經搭左張JR 7日 green pass 出黎 (38880 yen)

首先係早上嘅青森站，空左塊牌出黎但又唔拆左佢感覺怪怪地

左: 701系 右: キハ48系(くまげら編成)

今日嘅重點黎啦好多年前年係唔知邊度睇到話五能線風景好靚仲有3架觀光列車坐萌生起要去坐嘅念頭，不過一等就等左差唔多10年 一開始嘅早餐真係好普通唔好食

三兄弟之中我地搭到最舊嘅くまげら，普通柴油車(其他兩架係hybrid)，因為有三個人所以就揀左2號車嘅ボックス席，可惜小弟唔記得左影相如果大家有興趣睇下相就上官網(http://www.jreast.co.jp/akita/gonosen/train/index.html)睇下啦
第一個車窗賣點:岩木山

因為要入弘前載客嘅關係，川部-弘前要經過兩次，仲要調兩次頭，之後嘅東能代站仲有一次，好彩坐包廂唔係好麻煩 之後會有人上車表演，都幾好聽，不過只係得一陣鰺ケ沢駅就落返車
不過鰺ケ沢駅之後就開始進入超靚嘅海景(不過已經開左車兩個鐘)，千畳敷駅更加係停車15分鐘比我地落車"聽海哭的聲音"

くまげら編成



落車吹下海風好寫意

差唔多夠鐘嘅時候運転士會響起汽笛提醒我地要行返上車，仲有D 時間影下個車站，都幾簡陋

深浦駅係青池編成同くまげら編成交會嘅車站，有部分人急急腳走過對面搭返青森

HB-E300系點睇都新好多

左:HB-E300系(青池編成) 右:キハ48系(くまげら編成)

深浦駅

ウェスパ椿山駅有架蒸汽火車放左係度

個站都好靚

呢條線嘅海景真係唔話得，下次想試下紀勢本線

經過5 hrs 17 mins 嘅車程，終於黎到秋田站，其實坐到後段都幾辛苦畢竟5個鐘，今程係唔計夜行列車坐得最耐嘅一程火車

食碗烏冬之後就繼續起程啦，秋田站個車站廣場都幾長下

雖然係迷你新幹線，但秋田站在來線同新幹線嘅閘口係分開左，因為JR 一定要用相中間嘅有人通道入閘但又咁啱冇人，最後唯有離遠show 張pass 比係在來線閘口果個人

下一個景點係田沢湖，搭嘅係こまち24号(E6系Z22) 秋田新幹線最大嘅特色係屬於一條迷你新幹線，為左方便直通東京，將沿路嘅路軌改成標準軌，不過依然係單線(大部分)，有平交道同最高時速限係130 km/h，山形新幹線都係迷你新幹線，不過秋田新幹線特別之處係大曲站要調頭，所以上車嘅時候要先坐一個站倒頭車

今程又係劃唔到green car 只好走去坐指定席(其實應該有位不過秋田站綠色窗口大排長龍驚趕唔切)，新幹線最大嘅優點係車上有叉電器，呢個時候我發現部相機冇乜電諗住落攞叉電器出黎叉，點知...我竟然帶錯左另一隻牌子嘅叉電器 結果由呢刻開始直至旅程結束所有相都係由我部手機影啦

用左兩個鐘遊覽田沢湖一週之後就返翻黎田沢湖站啦



好掛住E3

入閘嘅時候好好笑，個站員竟然要我地攞埋指定席飛出黎，我諗佢都唔係好信我地要坐1個鐘頭後嘅普通列車吧xd

701系5000番台，同其他701系唔同嘅系5000番台係用標準軌，因為要遷就田沢湖線因秋田新幹線而變成標準軌

E6系Z7

好難得三個月台都有車

今次好不幸要坐第一行好幸苦

盛岡同はやぶさ28号接駁好之後就向東京出發啦

2013 由日立製造嘅E6系 Z12

320 km/h 真係好爽，不過穩定度E6 就唔夠E5 啦，下車後竟然見到...E5系 U32 啊!!! 最新兩架E5 都比我地遇到曬

D 日本人好鍾意影E5 E6"嘴嘴"，我都影返張先

就咁睇呢架E2 好似冇乜特別

實際上呢架係E2系 J72，當年因為東北新幹線伸延段(八戶-新青森)比預期早左3個月落成，E5 未能趕及投入服務，所以唯有造多6架E2 出黎(J70-J75)，設備上呢幾架基本上係同E5 冇分別，例如用全彩LED行先表示器

難得一見嘅新幹線delay(唔係受天氣影響)

係仙台站食完牛舌晚餐之後就準備繼續南下啦



又係搭返琴日果班超級直達車はやぶさ34号

16両編成嘅E2+E3 應該再冇機會係仙台見到啦(福島以南應該仲可以維持一段時間)

E5 就算行320 都係超好完全冇問題，green car 應該就係咁多程數一數二啦

67分鐘大宮到著

2016?

冇錯!!! 我地又遇到全新嘅E5 啦oh my god!!! 結果今次全部搭/遇到嘅全部都係U28 打後真係好彩



跟著見到嘅係已經換左朱鷺色嘅E4

P51 編成可以入到軽井沢

有半個鐘頭休息時間，本來想去買krispy kreme 點知9點就close，最後發現呢個半價布丁諗都唔諗立即買黎食

大宮站

準備搭當日最後一班嘅かがやき519號去金沢啦

入站嘅係W7系，有D 可惜本來想坐E7(P.S.:果班車究竟係E7 定W7 可以係JR 東日本個app 睇到)

2014年由我最鍾意嘅車廠川崎重工業製造

呢個時候發生左個悲劇，我放左D 車飛係兩張凳之間張檯度，點知可能坐底嘅時候動作太大D飛唔知跌曬去邊，有一張好快就係地下搵返，而有一張夾左係張凳旁邊，最後一張簡直係要拆爛人張凳先搵到插左係入面(差唔多已經去到高崎)...經過呢件事之後成程都好幸苦好熱

幾經辛苦終於完成北陸新幹線嘅旅程黎到金沢，2.5 hrs 其實真係好快，大大縮短左北陸同東京嘅距離，不過壞處係日本唯一一處窄軌160 km/h 就要從此消失啦(北越急行)

個7字感覺有D 奇怪

今次凌晨12點先到，終於可以休息下啦

成日話一個月嘅第一日係新嘅開始，不過我地今日就冇乜新嘅開始都係繼續用green pass 搭火車，琴日係距離上最長嘅一日，今日雖然距離短左，但就卻係搭得最多程嘅一日，一共坐左14程，係琴日嘅兩倍有多
3年冇黎金沢，最大嘅變化都係多左條北陸新幹線同咪多左間IRいしかわ出黎

今日第一程係サンダーバード14号，屬於去大阪最快嘅直達車，中間只係停福井，京都同咪新大阪，表定速度超過100 km/h (683系)

今日嘅上座率都幾高下(P.S.:我平時鍾意將架車由頭行到落尾，不過今次green car係1車，但成架車有9+3卡，結果來回行左24卡...)

經過左敦賀首先會由交流電變成直流電，之後會有一個螺旋鐵路，目的係減低坡度，不過只係得米原方向先係螺旋金沢方向係長隧道穿過，之後就會入湖西線，顧名思義即係會睇到琵琶湖

2 hrs 34 mins 已經去到大阪，非常快

對面果架係221系

係大阪行左陣之後就繼續搭大阪環状線去天王寺，之前都只係搭過內回り所以今次試下外回り，上到月台走左班323系有D 失望，不過好彩下一班都係323系(比個男人阻住曬影相)

新車真係比以前D 103系 201系好好多

由於323系嘅行走音真係好靜，所以都係企左車頭前面展望

本來以為323系係大阪環状線係稀有品種(當時山手線都係得兩三架E235)，不過沿路一架103系 201系都見唔到，得森ノ宮電車区見到一架201系，睇黎今次JR 西日本係有決心換車 去到天王寺站終於冇人阻住我影車啦(323系 LS06)

開頭見到呢架車以為225系5100番台會係大阪環状線繞圈

由於距離くろしお13号開車仲有成個鐘，所以就繼續去遊下車河先，當時就諗住去JR 難波，咁啱大和路線有人身事故好彩對我影響唔大(201系)

"JR 難波"係第一個係前面要加"JR"嘅車站，避免同其他鐵路公司嘅難波站造成混亂

行左一陣之後又坐返201系出去，因為唔想咁悶坐201系坐到天王寺，所以就決定係新今宮站落睇下有咩車搭

但又唔想再坐323系，所以就決定坐13:07嘅紀州路快速/関空快速

果刻突然間想睇下car 5-8 嘅紀州路快速用咩車，最後發現係全新嘅225系5100番台

225系5000番台(関空快速)

真係好鍾意全彩LED行先表示器

落車之後對下D number...點解咁熟口面? 原來係頭先係天王寺見到果架"大阪環状線"，實際上去和歌山不過大阪之前會顯示大"阪環状線"

323系係頭先搭左果架

中午嘅天王寺都幾熱下

終於等到夠鐘くろしお13号黎啦，用車係好難得嘅283系(天王寺站嘅候車位置都幾混亂下)

跟著落黎就係我最唔明嘅地方，上過wiki 睇(https://ja.wikipedia.org/wiki/くろしお_(列車))283系和歌山方向係green car展望車，但實際上換位嘅時候就變左大阪方向先係，真係唔明點解架車果日會返左方向

green car 幾好坐，美中不足係冇插頭

44分鐘後就到和歌山，隔離又係我最鍾意嘅225系5100番台

繼續開去新宮

普通列車就去御坊駅

和歌山站

黎到和歌山唔駛我講相信大家都知想做乜，當然就係搭和歌山電鐵貴志川線啦，首先係最新嘅うめ星電車









好快就到伊太祈曽駅，首先影下たま電車列車





普通電車

當日冇行嘅おもちゃ電車

點解會選擇伊太祈曽駅落車? 因為當日貴志站果隻貓休息，得伊太祈曽，所以就選擇係度留半個鐘

不過時間實在太多，反正都冇野做所以坐左係月台張長凳度聽下歌休息下吹下風真係好寫意

A285 發表於 2017-7-17 18:55
用左兩個鐘遊覽田沢湖一週之後就返翻黎田沢湖站啦

筑波快線(つくばエクスプレス)聽講宜家正研究將最高營運速度提升至160km/h嘅可能性