本帖最後由 cn2661_2d32 於 2017-6-19 14:51 編輯
我相信如果差佬放蛇 (意外未發生), 首先會截停架車捉邊個乘客唔扣帶
捉到壞帶果位, 呀乘客話佢條帶壞. 差佬就會捉個司機. 因為法例規定司機開車前必須確認車輛設備/機械運作正常
理論上, 司機犯以上嘅法, 車主亦未能確保車輛運作正常都係犯法
不過最後票控邊個, 就真係睇差佬/律政司按實際案情去諗, Either or Both or None.
至於意外發生左. 絕大多數情況下第三者保險仍然生效.(除左當時涉及其他違法行為, 例如小巴司機冇車主授權開車, 偷車, 小巴冇客運營業証載客, 行車証過期 等等. 詳細要睇保單. 保單平同貴可以爭好遠)
就算架車機件有問題令乘客受傷 / 司機瘋狂駕駛/危險駕駛, 保險都係會先賠,
然後保險公司再考慮是否需要告司機/車主叫佢地回水比保險公司.
否則會違背左法律要所有汽車有第三保嘅原意.
反正大多數交通意外原因, 唔係司機不小心駕駛就係汽車機件故障. 如果一有人犯規保險就唔包,
對道路使用者/乘客 同冇保障係冇分別. (需知不小心駕駛要中係非常易, 我唔洗掂到你, 我架車係你前面急煞/爬頭已經可能中)
*利申: 本人工作上有時會接觸到交通意外/人身傷亡事宜, 所以有基本知識
|
