[多圖] 日本Exchange鐵道見聞錄・東京篇（附有過往旅行相片）

K.C.R2007 發表於 2017-4-18 16:55
多謝師兄分享帶俾我地豐富嘅視覺盛宴
感覺JR東日本似乎暫時沒有將E235系撥俾山手線以外的其他 ...

畢竟E235系係第一款實地應用INTEROS呢個新system既車，2015年既故障就係因為INTEROS適應唔到當日既「盛況」，搞到要用幾個月時間測試先載返人。INTEROS可以將各卡既情報（載客率、煞車壓力、電流等）統一管理及演算，從而影響加減速控制、記錄行程過程、檢查車輛狀態等等。INTEROS可以透過WiMAX通信黎傳送大量data俾地上系統，然後控制中心可以即時得知列車、路軌、架空電纜等狀況（例如2015年神田駅～秋葉原之間冧電線桿之類既事故可以得到迅速應對）。宜家唔知近郊路綫整左WiMAX未，同埋訊號穩定程度等等，所以佢暫時比較適合行山手線之類既大都會路綫測試，等到INTEROS系統穩定左同埋地上通信設備完善之後先會俾近郊路綫用。

cyc_yin 發表於 2017-4-18 23:11
畢竟E235系係第一款實地應用INTEROS呢個新system既車，2015年既故障就係因為INTEROS適應唔到當日既「盛況 ...

好詳盡啊師兄
係咪從當地人口中定當地的宣傳單張/通告得知架？

不過無論如何，我都係希望JR東日本可以儘快將E235投入到東京都嘅每一條主要路線服務
E235無論從造型、塗裝、內籠同電子設備都係JR EAST嘅通勤電車的一大突破，比以往的E231同E233型靚正好多
當然唔係話尼兩款E235嘅師兄唔好，只係希望每條主要路線都有師兄級的E231/E233同後輩E235一齊服役，比乘客豐富啲嘅體驗，唔會成日只搭到同一款

PS: 最近上網搜E235嘅圖片時無意中發現一套叫《機動強襲室第八係》嘅動漫裏面有一幕都出現左一款同E235十分相似嘅電車，不過塗裝係中央線個隻橙色，而且如果E235頭幅係咁嘅樣仲型添（見附件）

K.C.R2007 發表於 2017-4-18 23:43
好詳盡啊師兄
係咪從當地人口中定當地的宣傳單張/通告得知架？

呢啲資料好多時可以睇wiki初步了解，不過當然要睇日文版。其實除左日文wiki之外，網上可以睇東洋經濟、日經Trendy既鐵道專欄；新聞網站有mynavi、乗りものニュース、朝日新聞等等。紙本雜誌就可以睇講得好詳細既鉄道ピクトリアル、有獨到見解既鉄道ジャーナル、講多啲時刻表既鉄道ダイヤ情報。鉄道ファン就無乜營養，淨係得啲圖睇。

有兩樣野唔係好明，第一係當時京浜東北線進行左咩工程搞到要借山手線條路黎行?
另外就係南港島線高架路段係用普通架空電纜而唔係地底嘅剛性懸掛電纜，點解箱根果度又可以係條橋上面用剛性懸掛電纜?

A285 發表於 2017-6-30 15:02
有兩樣野唔係好明，第一係當時京浜東北線進行左咩工程搞到要借山手線條路黎行?
另外就係南港島線高架路段係 ...

以前每年都會有一個叫「リフレッシュ工事（Refresh工程）」既維修作業係兩綫並行既田端〜田町路段度進行，佢地既路軌都會維修幾日，期間維修緊既嗰條綫就會借對方條路軌黎維持服務。山手線既月台閘門就要就返京浜東北線10卡車既門位，好似呢幅圖咁。
只不過近年呢樣野可能同月台閘門工程同時喺每晚逐少逐少咁整，所以就無要改道既大型リフレッシュ工事。

可以參考下十幾年前リフレッシュ工事既相：
http://wadai-kisho-tetsudo.la.coocan.jp/tetsudou/photo/050421_keihintohokuref.htm
http://mirai-report.com/blog-entry-618.html


至於箱根登山鐵道方面，本身佢既隧道已經好矮，所以就用剛体架線（剛性架空電纜）配合返隧道淨空。而嗰條早川橋樑就夾喺兩條隧道之間，加上桁架本身已經矮（5283mm），所以剛体架線由隧道一路延續去早川橋樑，不過列車經過個陣集電弓都要壓到好低。用咩電纜都係取決於淨空問題，例如小田急喜多見檢車區好短既露天段都係咁設計。不過剛体架線缺乏柔軟性，唔適合列車高速行走，最多只可以行到90km/h。例外就係近鐵新青山隧道電纜獨家設計到類似普通懸掛式架空電纜，但接觸導綫就用硬質金屬材料，可以行到130km/h。