田北辰議員就「九巴月票」事宜回覆本站

田北辰議員就「九巴月票」事宜回覆本站如下：

我早喺2年前，已經向政府提出，九巴本身好想試做長途線作月票優惠， 可惜運輸署唔接納九巴嘅月票申請，原因係月票價格和財務預算未能達成共識。我一直認為，有月票嘅話就會多咗人由坐港鐵轉坐巴士，港鐵就唔會咁迫。我一直推動九巴做個試驗計劃，睇睇月票反應同路線數據，可惜運輸署未有批准。其實港鐵有月票、都會票，九巴點解唔可以有類似嘅優惠？我相信呢啲優惠可以做到雙嬴。 今年1月20日立法會交通事務委員會上，我提出動議，獲一致通過。內容如下︰鑑於專營公司釐定票價優惠受到《公共巴士服務條例》第 230 章第 13 條和《公共巴士服務規例》第 230A 章第 III 部第 4 條和第 5 條規管，必須得到運輸署署長准許，而申請和批核時間極長；可是，港鐵享有提供票價優惠的絕對自主權；因此，本人促請政府盡快批出九巴長途月票和特惠站的優惠申請，以及與九巴商討推行全日制學童月票的可行性，讓專營巴士在「一鐵獨大」的環境下，有公平的競爭空間繼續服務市民，讓大眾受惠 。

動議人︰田北辰

本站有人問佢野咩?  為何要回覆本站

其實以巴士嘅經營方式，應該出回數卷好過出月票 （類似港鐵都會票）
月票好影響運作
會多左好多短途客搭長途車

分3類， 十蚊以下路線，廿蚊以下路線同廿蚊以上
可以係各大便利店發售車票

乜而家 西/東鐵全月通唔係可以免費乘搭指定九巴路線咩？ 其實九巴唔算係無月票喎，不過係港鐵公司出姐

阿田生，你又話一鐵獨大，你咁樣爭取夠係一巴獨大啦。
只要九巴，城巴、新巴、大嶼山巴、龍運就唔洗理，做下樣都爭取哂所有丫。

再講多次佢個POINT，因為西鐵逼而爭取月票，你應該講港鐵十條線都逼(連埋迪士尼線)，做樣就做全套。全港性。

港鐵只出某條鐵路既月票，
咁九巴是否也只出某條巴士既月票？

其實八達通應該仲有能力預留月票功能嘅,既然可以充當學生證功能用嘅話
btw,假如佢哋D proposal可以公開下就好,到時就知係咪財政支持有問題定係佢本身懶得幫下民生野,既然老九竟然有興致做月票呢類野

GL3789 發表於 2017-3-10 21:18
乜而家 西/東鐵全月通唔係可以免費乘搭指定九巴路線咩？ 其實九巴唔算係無月票喎，不過係港鐵公司出姐 ...

指定九巴路線只有星期一至五可以免費搭, 就算星期六有服務都冇得免費搭, 而且唔計只有晨早出市區既服務而冇晚上返新界既服務, 西鐵冇259B/259C/260X, 更加冇元朗/荃灣路線如268B/234P/230X; 259E/69P/59A等, 早排267S取消一樣當冇件事, 叫人67X轉59X/60X/63X/66X/234X, 咁依家剩係67X都冇得免費搭喎! 東鐵果面仲要得270P/271P, 連為左東鐵而開既T270都冇, 更加唔好講冇沙田既各條晨早線甚至全日線! 話分兩頭, 咁西鐵通車初期拍蚊又要削巴士去谷客搭西鐵, 削到69M/265M/269M/69X/265B依家比緊D咩班次人? 點解唔係依堆巴士加返班以配合天水圍人口增長? 依位人兄做緊九鐵主席果陣又冇出咁多聲落力D話要拆輕鐵加月票嫁喎?