九巴來往屯門及旺角情況

現在九巴有冇屬於過多路線來往屯門及旺角？

係港鐵/西鐵通車後，大致上九巴都冇減少路線/班次。現在有52x 58x 59x 60x 63x 67x，平均每線每小時約有5個班次，即每小時共有30個班次來往屯門/旺角區。

尤其當中（除63x）都經過長沙灣道，停站停燈，做成污染，浪費九巴資源。  自從屯門轉車站啟用後，九巴都好似冇大型去調整資源錯配問題，其實運輸署應該好似人口普查咁，每隔幾年去實地回顧過別地區路線表現，以及地區發展改變，衍生唔同乘車需求，以人為本。


來往屯門及旺角的乘客，只能默默被迫經過長長的長沙灣道，不停地停下站，停下燈，就連巴士車長都要不停，踩油又煞車，又要抽頭再埋站，唔知要過幾多次由1缐出3缐，又入返1缐，身心疲倦。

無

講完

係屯門客唔係咁受得轉車站霸權至真

一邨一線係屯門特色

30幾年都係咁，你話改我估全部區議員齊齊反枱都似。。。

其實主要問題係屯門屋邨係好散，唔係好似元朗咁一條大馬路已經cover起碼七成人口。同埋屯門人搭車唔志在價錢，最緊要有位坐一程過。

一係就提議九巴一邨一U線去轉車站，跟住條條市區線去到轉車站就掉頭。不過都係果句，班議員實齊齊反枱

52x嚴格黎講唔算係服務屯門區既屯公線
主要客源係荃灣區既青龍頭深井

除左60X應該拆線外，其他線要郁絕對不易

應該會有D屯門區X線的乘客去到九龍係要轉駁九龍區的路線如2F、6C等，所以屯門X線不能改路線。

應該倒番轉，係九巴想煲大63X旺角特快，而議員.乘客唔肯轉車先可以快到旺角，咁就寧願繼續捱長沙灣道.
鬼叫屯門人口分布廣咩.
元朗得條大馬路，咪好易做囉……(九巴都唔係好理朗屏、元朗南、凹頭、錦田，都係叫你駁去欖隧轉)

除非屯門既良田、景峰、國樂、屯碼都變成元朗南、凹頭、錦田咁既路線啦
但你話有冇可能？


所以話屯門旺角線唔算多…(老實講，不少線都成日好多人喎……)

只怪九巴不停想屈屯門人比元朗價，63X到而家客量唔好睇，要蝕錢都係九巴攞黎，恭喜哂

先有68A返屯門收元朗價
再有63X來回都收元朗價
而家有259X收元朗價
將來仲有258X收元朗價

去程一日唔加分段，都唔會好客得去邊

當一邨一線每條都大收旺場，屯轉又已經迫爆
而63X做咁耐都係咁頹，我睇唔到拆線會有人支持