啟德隧道(舊機場隧道)九龍城道入口問題

呢個位都好隔攝下，就算俾公共交通工具用我想只有的士同綠小先用到

東九龍往土瓜灣，可使用啟德隧道，及3號出口前往；但土瓜灣往東九龍，卻不可使用啟德隧道前往，而須繞經馬頭涌道、太子道東、觀塘道，浪費燃油。此也導致經土瓜灣往東九龍方向的巴士線(11X, 28, 297)，不能經啟德隧道，往土瓜灣方向卻可。

原帖由 dongfeng 於 2012-4-9 10:54 發表
自啟德機場關閉後，啟德隧道2A出口的作用不大，可永久封閉2A出口，開放九龍城道往啟德隧道東行入口。受影響車輛可在3號出口，經九龍城道地面，前往宋皇臺道。 ...

但出口同馬頭角道之間距離唔長，以而家2A出口車流黎睇，如果谷晒D 車用九龍城道出，車龍有機會頂上橋
另外，你要開個入口，亦要諗埋D 車點樣好方便咁由大路去到入口，你用11X/28/297做例子，但佢地點樣由馬頭圍道轉入九龍城道呢？如果馬頭圍道開個路口右轉上鄉道，又要安置馬頭圍道既巴士站

原帖由 JX9097 於 2012-4-9 04:03 發表
印象中係冇正式開通過
原因傳聞係車流喺隧道入面交匯有潛在危險
簡單d講,即係設計錯誤

其實唔清楚個設計概念係點，又未必可以斷定係咪設計錯誤。現時九龍城道隧道入口應該在隧道日常運作時會用到，如果隧道巡邏車要由新山道交匯處三角位個停車處或者由啟德隧道西行轉去東行，會沿土瓜灣遊樂場旁邊條支路，喺橋底U-turn，再由九龍城道隧道入口入隧道東行線。話唔定當年設計九龍城道隧道入口原本都係為隧道運作需要，又可用作緊急通道。只係佢同時接通公家路，令人覺得原本應該開放比公眾用。

原帖由 dippy 於 2012-4-17 17:46 發表
如果只開放專利巴士經橋底U turn入隧道又可以嗎？

嗰條支路好窄，巴士睇怕入唔到。另問，點解巴士要喺嗰度U turn?
http://maps.google.com.hk/?ll=22.320037,114.190267&spn=0.000005,0.001719&t=m&z=19&brcurrent=3,0x340400d7e9125f11:0xc9669547c016495c,1,0x340400d4376c85e1:0xcab6faa04b58a8a7&layer=c&cbll=22.320037,114.190267&panoid=Ab6tOaI4pT_h1peGvD6kDQ&cbp=12,219.2,,0,0
http://maps.google.com.hk/?ll=22.319252,114.189422&spn=0.000005,0.001719&t=m&z=19&brcurrent=3,0x340400d7e9125f11:0xc9669547c016495c,1,0x340400d4376c85e1:0xcab6faa04b58a8a7&layer=c&cbll=22.319136,114.189394&panoid=VyXOdh3_dD8bY6vkEf4LCg&cbp=12,121.25,,0,0

原帖由 XF206 於 2012-4-17 18:38 發表

另問，點解巴士要喺嗰度U turn?

個人估計如果呢個入口開返的話，28去樂華可以改行土瓜灣道→新山道
→支路掉頭→舊機隧九龍城道入口→啟祥道，而唔使再行太子道東同埋
觀塘道。

原帖由 XF206 於 2012-4-17 17:39 發表

其實唔清楚個設計概念係點，又未必可以斷定係咪設計錯誤。現時九龍城道隧道入口應該在隧道日常運作時會用到，如果隧道巡邏車要由新山道交匯處三角位個停車處或者由啟德隧道西行轉去東行，會沿土瓜灣遊樂場旁邊條支路，喺橋 ...

一言驚醒，睇街景圖，剛好拍攝時個地係略濕的，
可見條支路有車輛行過的痕跡，應該唔係長期荒廢。

而且支路入口的一堆牌，亦清楚顯示條路係：
隧道管制區域、只准機動車輛駛入、不容學神、消防通道等，
亦要花電費維持交通燈及電閘，閘是活動式不是石屎，
通通都顯示，條路日常係有使用的。

在隧道口以南的一段九龍城道，無論由上路定下路入去都好麻煩，
沿途道路設計也不能容納大流量，我認同該入口可能本來就不預算給公眾使用。

原帖由 nwfb1601 於 2012-4-17 22:17 發表

個人估計如果呢個入口開返的話，28去樂華可以改行土瓜灣道→新山道
→支路掉頭→舊機隧九龍城道入口→啟祥道，而唔使再行太子道東同埋
觀塘道。 ...

土瓜灣道近馬頭角道係日頭塞車黑點，你咁行不如轉上落山道右轉九龍城道好過
不過而家28響馬頭圍道幾個站都有唔少人搭，改路佢地會唔會反對呢?

原帖由 dongfeng 於 2012-4-12 01:41 發表
東九龍往土瓜灣，可使用啟德隧道，及3號出口前往；但土瓜灣往東九龍，卻不可使用啟德隧道前往，而須繞經馬頭涌道、太子道東、觀塘道，浪費燃油。此也導致經土瓜灣往東九龍方向的巴士線(11X, 28, 297)，不能經啟德隧道，往土瓜灣方向 ...

其實, 就算私家車來計, 土瓜灣過東九龍, 就算係過九龍灣, 路程及時間其實唔係相差好遠..
坦白講, 我而家由九龍灣過土瓜灣, 繁時都會睇睇塞唔塞先行啟德隧道~

加埋, 九龍灣個幾枝燈真係要等好耐, 如果係過觀塘既, 觀塘道都唔會差好遠~
如果為左個三條巴士線可以行隧道而要封2A, 我諗係本末倒置~