今早消息：又有香港人被拒入境澳門

今次輪到四位泛民議員，包括李卓人、梁國雄、古思堯和曾健成，原因是抵觸澳門內部的保安綱要法。

http://www.rthk.org.hk/rthk/news/expressnews/news.htm?expressnews&20090315&55&566707

之前亦有學術界人士和泛民議員亦以相同理由被拒絕到澳門入境，連帶今次事件，使本人質疑澳門當局干預香港人入境到澳門的自由，除非澳門當局就事件作出解釋，否則都難以釋除疑慮。

我懷疑他們被拒入境澳門，是因為澳門當局認為他們會到當地攪事，或做出影響當地安寧的行為，不過對於澳門當局經常以《保安綱要法》為理由，解釋他們被拒入境的原因，本人就有點不滿了！

我早就覺得澳門政府只是為北京和何鴻燊服務，何必多言。

阿爺見香港咁多反共勢力, 見澳門個個咁乖仔, 梗係搞佢啦......
冇何生邊有而家嘅澳門? 佢講嘜, 你梗係照做啦.....

原帖由 238X 於 2009-3-15 12:18 發表
我早就覺得澳門政府只是為北京和何鴻燊服務，何必多言。

好欣賞你講得咁白

呢幾位入唔到境，亳不驚訝。
澳門同香港環境完全不同，人口少反對聲音較少。

澳門都唔係冇反對或不滿聲音，
只不過人地政府係真真正正的「強政勵治」（姑勿論其立場及做法是否對胃口），
鏵哥話咁就咁，輪唔到你班友仔嘈。
講得好聽叫鎮得住場，講得唔好聽叫冇民主、冇偈傾囉。
臨回歸前黑幫搞到立立亂，鏵哥唔係咁強勢的話，邊個收科？

怎麼樣的土地出怎麼樣的人，香港有山有水，造就了香港人圓滑多變包容的性格。
澳門就同附近珠三角一樣，係一塊平地三角洲，社會風氣都如同三角洲，全部一個樣。

我的家人中，父母輩認為泛民闖關係搞事，被拒係活該；
但我睇到的卻是，澳門拒絕佢地入境，對澳門政府無益處，只會為長毛等人作嫁衣裳。
之前都有人話過，如果畀晒佢地入境，反而令到佢地無聲出。

不過，澳門始終係澳門，香港始終係香港，
大家連歷史都唔同，只係地理位置相近而多交往，佢唔當你係兄弟，咪當無呢個兄弟囉。
我咁大個仔都只係去過澳門一次咁大把，上澳門塔食個buffet就走人過珠海。

原帖由 kychung 於 15/3/2009 19:12 發表

好欣賞你講得咁白

唔係我講得白唔白既問題，
而係澳門某程度上只係一個旅遊城市 (難聽 D 講叫賭城)，
又唔駛做人權試點、何必好似香港咁多繁文褥節？

我最唔欣賞澳門政府好學唔學，
學香港果種婆婆媽媽。搞清楚自己定位先啦。

[ 本帖最後由 238X 於 2009-3-15 22:20 編輯 ]

長毛等社民連、四五行動成員被拒入境其實都係意料中事，
係估唔到連李卓人都唔俾入境真有少少估唔到

原帖由 32 於 15/3/2009 22:50 發表
長毛等社民連、四五行動成員被拒入境其實都係意料中事，
係估唔到連李卓人都唔俾入境真有少少估唔到

諗下澳門人前幾年勞動節遊行搞出咩樣，
李卓人可能真係被當成恐怖份子

原帖由 238X 於 2009-3-15 22:19 發表

唔係我講得白唔白既問題，
而係澳門某程度上只係一個旅遊城市 (難聽 D 講叫賭城)，
又唔駛做人權試點、何必好似香港咁多繁文褥節？

咁確實係唔需要
只不過佢地政府樂於咁做je