搵工同轉工問題：

我已經連續三個月見新工作，
但每次都是等消息，
故此上班日期由一個月改至兩星期，
最近由兩星期改至七日通知。

因為我見工較張揚，
故此而家做緊呢間公司既人係咁用盡辦法不斷想我留下，
我而家備受壓力，考慮係未有新工作前先行辭職，
如果我這樣決定的會在下個月三十一日離職。

唔知你們係搵工同轉工的過程是怎樣的？

原帖由 nwfb1110 於 2007-7-28 21:47 發表
我已經連續三個月見新工作，
但每次都是等消息，
故此上班日期由一個月改至兩星期，
最近由兩星期改至七日通知。

因為我見工較張揚，
故此而家做緊呢間公司既人係咁用盡辦法不斷想我留下，
我而家備受壓力，考慮係未有新工作前 ...

其實點解你會話見工張揚呢?
你每次都請假?
其實好多公司都會容許你放工之後先見既,
如果可以既, 盡量選擇放工後先見工啦

另外, 照你咁講, 你對現公司都幾不滿, 非走不可.
但係你要諗下喎, 你一辭工, 而新工又未見得成既時候,
你就會有段時間無收入, 你要諗清楚喎

原帖由 pac423 於 2007-7-29 00:00 發表
其實點解你會話見工張揚呢?
你每次都請假?
其實好多公司都會容許你放工之後先見既,
如果可以既, 盡量選擇放工後先見工啦

另外, 照你咁講, 你對現公司都幾不滿, 非走不可.
但係你要諗下喎, 你一辭工, 而新工又未見 ...

因為我過往見工通常係見左先返工，
同返工中途去見工，最主要的是新公司約我的時間問題。

今日出席一個活動時我問過朋友意見，
如果選擇先行辭工再搵工的，
就要先看自己的手上現金同存款能否維持生活。
如果可以的就一個月通知對方，
在通知期內繼續搵工。

原帖由 nwfb1110 於 2007-7-29 18:56 發表


因為我過往見工通常係見左先返工，
同返工中途去見工，最主要的是新公司約我的時間問題。

今日出席一個活動時我問過朋友意見，
如果選擇先行辭工再搵工的，
就要先看自己的手上現金同存款能否維持生活。
如果可以的就一個 ...

你可以同你見工既公司溝通一下個見工時間,
講真, 再係用呢o的時間去見工, 你而家間公司
就未必係留你, 可能變成炒你.

原帖由 pac423 於 2007-7-29 19:29 發表
你可以同你見工既公司溝通一下個見工時間,
講真, 再係用呢o的時間去見工, 你而家間公司
就未必係留你, 可能變成炒你.

如果炒我既仲好，因為我已經在這裡工作已有五年了，
一旦被炒的起碼要賠五個月人工。

其實主要問題是我在這針織廠已經工作五年，
我因為見冇野學先去見「辦公室助理」，
但我公司既人認為這些職位冇野學，
甚至我申請了九巴的學徒都唔想我去做，
不知道他們想點。

如果再是這樣的，
新創建交通正聘請助理站長，
我都照申請。

原帖由 nwfb1110 於 2007-7-29 20:47 發表

如果再是這樣的，
新創建交通正聘請助理站長，
我都照申請。

你呢個申請o既最低限度係咩學歷?
同埋要有o的咩工作經驗? Thx.

樓主好像還沒有找到自己的方向，你要好認真想一想
你工作是為了生活還是為了消磨時間，定係想尋找自
己的事業，是你往後日子的事業。

現在找工作不是單單睇眼前可以有多少收入，還要評
估這份工可以有多少年幹，前途是怎樣。

想幹些甚麼，自己想清楚再為自己設計下一步，總好
過現在好像失去了方向。

我承認現時是為了脫離紡織業而轉工的，
我最想的是在巴士這個行業發展，
故此我除了早前申請九巴學徒之職位外，
同時我亦報考巴士及中型貨車駕駛執照。

我現時最希望的是轉工，
因為我唔想再留係呢度。

至於在巴士這個行業發展，
只要巴士公司有適合的空缺我都會申請。

我知道愉景灣航運需要這些人手，
但因為工作地點偏遠而需要再三考慮。

另外我想知道紡織業的前景是否不明朗的？

老友，我搵工搵左成年。連in都未in過。
又如何呢﹖
身邊朋友人工已經三級跳，我就原地踏步。
唯有繼續搵

原帖由 nwfb1110 於 2007-8-1 20:46 發表
我承認現時是為了脫離紡織業而轉工的，
我最想的是在巴士這個行業發展，
故此我除了早前申請九巴學徒之職位外，
同時我亦報考巴士及中型貨車駕駛執照。

我現時最希望的是轉工，
因為我唔想再留係呢度。

至於在巴士這個行業 ...

樓主根本就係 "為轉工而轉工", 完全沒有方向;
即使轉到工, 到幾年後, 隨時又係 "是為了脫離某行業而轉工的".

"紡織業的前景是否不明朗的？"
我不知道, 不過你更應該想 "如何使自己能夠於工作的業界生存呢?"
若不提升自己, 以適應業界的轉變; 那麼, 你的前景就真是不明朗!

即使同一行業, 不同的岡位需要不同的人才; 所以, 要轉工 / 轉行並非不可,
不過首先要檢討一下自己的性格特徵及過往經驗是否適合新工的需要.

比如車長 / 學徒就可能要有些小巴士機械知識的底子;
助理站長就可能要有 CS 經驗, EQ 要高 ("爆鑊" 時可能會俾客鬧), 還有要懂得溝通技巧 (可能要與司機 / 乘客溝通);

愉景灣航運 ... 早排的 Assistant Operations Officer (不知自己有否記錯),
應該要有些 CS / 運輸業界經驗的, 你又是否達到呢 ?
愉景灣 ... 不算是太遠吧 (若你真的想做的話)

還有有些職位會於學歷 / 經驗上有指定要求, 如何使自己達到這些要求呢 ?

想o下啦, 不要老是怨, "職路" 是自己舖出來的.
還有, 不要毫無方向地搵工; 否則, 無錯, 只係得個 "搵" 字囉!


點解你申請呢份工呢? "我想轉工囉" (為走而走?)
你對我公司會有什麼貢獻呢? "我知道你們需要這些人手" (即係 ... 無貢獻!)
鐵路日益發展, 巴士行業前景是否不明朗呢? "eerrrr ........"
咁 ... 你話點請得落手呢?!


還有, 未轉得成工就搞到咁張揚 ... 無得怨人, 只怪自己.
"You have already reached a point of no return!"


言苛了, 請見諒!

[ 本帖最後由 B-KAA 於 2007-8-3 21:49 編輯 ]