施政報告的新鐵路建議

sq285 發表於 2023-10-25 13:28
通道轉乘的話就算數把啦，荃灣站行去愉景新城條橋都唔開胃

所以要睇吓佢點轉，最理想係荃景圍軌尾加站，做上下層轉乘。東北荃同東北葵對應梨木樹同石籬。

跑道果條鐵都唔知點維皮

新界東北同啟德嗰2條，唔講仲以為係F板啲小朋友建議，2條線又係谷啲客落條飽和咗嘅重鐵度，又唔加密班次，擺明唔洗坐

Fuk19805 發表於 2023-10-25 14:30
新界東北同啟德嗰2條，唔講仲以為係F板啲小朋友建議，2條線又係谷啲客落條飽和咗嘅重鐵度，又唔加密班次， ...

新界東北大把地，未知未來會點。

但啟德果條，好心就搵中鐵綫伸落去做，地底穿過去觀塘做總站，方便晒成個大西北來往東九龍通勤。

(除非未來東九龍會收檔，轉晒上北都就另計)

東九龍線佢淨係提及可以係「雲巴」、「智軌」及「巴士快速公交系統」

如果真係三揀一，雲巴起碼都叫係軌道交通，其餘兩隻咪即係起啲橋畀巴士，或者自動駕駛嘅巴士行

1989118 發表於 2023-10-25 14:38
東九龍線佢淨係提及可以係「雲巴」、「智軌」及「巴士快速公交系統」

如果真係三揀一，雲巴起碼都叫係軌 ...

話說有冇諗過起懸吊式單軌？

懸掛式單軌有兩個技術


傳統嗰隻係行鐵軌嘅，百幾年前德國發明
另一隻新啲，叫 SAFEGE 嘅技術，係行膠輪嘅，最初係法國財團合作研發（包括米芝蓮同雷諾），但研發成功後，冇喺法國興建，最後仲將個技術賣咗畀德國西門子，同日本三菱重工


即係喺千葉同埋湘南見到嗰款



我喺湘南坐過，都幾舒服，同埋因為係膠輪，所以爬坡能力幾強
所以如果東九龍線要上斜爬坡，其實我都幾建議用呢隻 SAFEGE 技術


而且西門子都轉移咗個技術畀中國中車，啱啱上個月先係武漢通車
如果要考慮埋中國製造呢個條件嘅話，佢都符合要求

北環綫南延愈加愈多站，最後都唔知加吓加吓會唔會來往九龍塘同經觀荃綫一樣時間，到頭來倒返落屯馬綫又逼爆。

YellowWorksheet 發表於 2023-10-25 15:01
北環綫南延愈加愈多站，最後都唔知加吓加吓會唔會來往九龍塘同經觀荃綫一樣時間，到頭來倒返落屯馬綫又逼爆 ...

其實朝早計北環錢直達上葵做到分流荃灣西客已經唔錯
起碼元朗同錦田唔會同你九巴疏轉疏，去上葵個個都坐搭開屯馬綫去荃灣西轉31
問題只係第二南北走廊唔起，東鐵綫要食半條北環綫客量真係會不堪重負，朝早粉嶺上東鐵綫班客自求多福

2076 發表於 2023-10-25 14:33
新界東北大把地，未知未來會點。

但啟德果條，好心就搵中鐵綫伸落去做，地底穿過去觀塘做總站，方便晒成 ...

觀塘段好似係無位塞畀佢用西南-東北走向行同擺站
老母交通問題最簡單根本係開番K巴駁啟德站，不過個個持份者都懶懶閒，巴士公司想做長途多過駁鐵，龜鐵就諗死怕塞車班人無論老母站幾塞人都會含淚照坐，政府？佢想點咪點🤣

Ricky403 發表於 2023-10-25 15:28
觀塘段好似係無位塞畀佢用西南-東北走向行同擺站
老母交通問題最簡單根本係開番K巴駁啟德站，不過個個持 ...

開源道地底一定夠位起黃埔站規模的月台，再唔係就翠屏河。梅花間竹一班九商止步，一班觀塘止步，都已經幫到好多。

啟德跑道區仲有方艙咁大塊地可以起車廠加上蓋物業，絕對可以行地底過海插入觀塘。

九龍塘 -- 東頭邨 -- 啟德 -- 九商/啟德醫院 -- 郵輪碼頭 -- 觀塘