[畢業旅行：日系情懷] ANA Hong Kong - Tokyo Narita/Haneda

日本上年 10 月開放自由行入境旅遊，而香港上年 12 月尾已取消所有入境檢疫政策；基本上，香港人要返 “鄉下” 玩，或去其他地方外遊，同 2019 年或之前無分別。
確定日子後要訂機票，正常香港 - 日本機票唔會係咩困難事，但 2022 年 12月末，中國開關同時疫情反彈，日本禁止中國（包括香港）往日本航線加班，香港 - 日本航班選擇受限，價格一直偏貴。
最初打算搭 UO HKG - HND red-eye 節省時間，但小弟出發前一晚有宴會出席，UO 624 23:55 起飛時間太早趕唔切；01:XX 出發的 CX 524 我係趕到，但當時機票 CX red-eye 同日間航班價錢一樣，同時聽聞 CX 短途 red-eye 不供應熱餐，半夜搭飛機亦會以休息為主、唔會點用 IFE，感覺太唔抵，都係退而求其次，揀返弟二朝早機飛日本。

按：咁趕的 schedule 其實唔太建議，當晚宴會後有朋友想 after party，但我唔想上機前一晚玩到太夜，起唔到身搭飛機呢個風險我冒唔起，唯有推卻所有約會；旅程喺日本玩到中途時有點作病，可能係休息唔夠？（其實飛去日本呢程機同上篇 QR 飛返香港，係同一星期內乘搭）

計價錢 JL > CX = NH > UO；HX 及 HB 提供廉航服務（我對 HX 的各款包點興趣不大）但貴過 UO、航班選擇少過 UO，不考慮。但訂機票時 ANA 官網做緊 HKG - HND (NH 860/859，午機去早機返) flash sale，所以決定搭 ANA（去程加錢搭 NH 812 早機飛）

利申：文題話係 grad trip，但小弟的朋友 6 月尾已經同其他朋友飛咗去日本玩緊，我 7 月頭飛去日本 join；本身我亦打算同朋友玩完之後自己 stay 多幾日（雖則最後變咗匯合另一 group 朋友），回程時間差啲都係自己辛苦；而小弟訂票時，NH 812/811 仲係 3 weekly。

一如已往香港飛日本，朝早去機場
（小弟其實當日時間預少咗，9:30 am 起飛但到達機場已經係 ～8:10，好彩 ANA 可以自助印登機證、寄行李，加上全程唔駛排隊，5 分鐘內已經搞掂）


呢一刻有點慶幸自己無搭國泰 XD

機場人流已大致恢復（多過 2022年 12月時不少，亦見唔少學校遊學/交流團出發），food court 餐廳選擇算多，但我諗住一陣會有飛機餐，加上時間唔係多，唔食早餐直接去閘口


三部大灣區航空 B737-800


國泰 A350-1000 pushback
  
United Airlines B777-300 ER，應該準備飛往三藩市


- NH 812 -
Route: Hong Kong Int'l Airport (HKG) - Narita International Airport (NRT)
STD - STA: 09:30 - 15:10 (4 hours 40 mins)
ATD - ATA: 09:23 - 14:47
Seat: 27A

Aircraft: Boeing 767-300 ER
Reg/ No.: JA627A

現時由香港出發搭到 B767 系列的機會認真有限（都係我今次搭 ANA 的一個原因）
不過 ANA 現時飛國際線的 B763 都係較新，為填補 B787 延遲交付的產物，以小弟當日乘搭的 B763，機齡僅 11 年多，首飛日起甚至比首部 B787 遲，算係一個非常特別的體驗。



由於是較新的 B763，機內窗戶、頭頂行李架款式與 B777 相類似，較為圓滑，與 classical B767 有別；B767 另一特點為經濟艙 2-3-2 座位排列，seat width 理想、窗口/路口位的比例較高
而 ANA 現時所有國際線 B767 經濟艙都裝上 fixed-shell seats，使用後認為座感正常，同一般 reclining seats 比無明顯落差（不過這批 B767 都只係飛短途線）


ANA B763 的 legroom 不算多


坐下後發現地板清潔不太理想
以我所知部機出發前一晚喺 HKG 過夜，turn around time 理應非常充裕？


座位上備品：毛毯、耳機（枕頭係 provided upon request）
一直以為日籍航空公司空調溫度會比較暖，但今次來回兩程冷氣都偏涼；我著短袖上機所以拆咗毛毯嚟用，質料相當順滑；耳機就係一般耳罩式，舒適度不錯


出發前派發日本入境、海關表格


B767-300 ER safety card

今次 boarding 效率出奇地高，甚至早過預定時間 7 分鐘 pushback（不過咁講，用兩條走廊 board 一部載客量仲少過 A321 的客機，登機速度快都好正常）


Cargolux B747-8F


起飛後飛過大澳


起飛後先有一輪 snacks & drinks service，飲品要了清酒及凍綠茶（目測 ANA 提供伊藤園綠茶）；小食為米餅


台灣七美島


澎湖列島


雲林縣海岸 - 台塑工業園區


彰化市及對出海岸、鹿坑、線西一帶


台中梧棲


ANA 會在派餐前提供餐牌閱覽，只需向空服指明 Set A/B 即可（後回收回餐牌、供後排乘客閱讀選擇，如此類推）
在不向每位乘客提供紙本餐牌的前提下，個人認為係相當好之做法，一定比空服口述選項（經典的 chicken or beef），亦比 inflight wifi / AVOD 內展示餐牌直接


小弟要了 Set A，配 ANA original kabosu juice（柑橘汁）


喺 2023 年，經濟艙飛機餐會提供三樣前菜/配餐確實 impressive（當中無任合一格放牛油、芝士、杯裝水等 “尊重 XX” 做法，亦無 “預留” 一格之後放雪糕，派雪糕時請自己搵位放）
味道亦屬上佳出品，白飯用應該係珍珠米，飛機餐加熱後比一般白米理想；豬肉片有用上有薑絲，而小弟一向不鍾意食薑

甜品後上： Haggen Dazs Vanila，必定好食的飛機餐甜點


按：上一次搭 ANA 去日本時，香港 - 日本航線只有 JAL（及以結業的港龍？）選用雪糕作為經濟艙甜點，多年後的今日， ANA 以至國泰都會派 Haggen Dazs，算一個 upgrade?

桃園縣內陸山區


新北市，機翼下方河口為淡水市（講返起，我都好多年無去過台灣了...）


去洗手間經過 emergency exit，影到引擎，同時去 galley 拎多咗杯綠茶飲


洗手間內，B767 並未配置免治馬桶（洗 pat pat 廁所），除洗手液外無其他杯備品


娛樂系統可以話係程機的一大敗筆，亦係 ANA 派 B763 飛香港令部分乘客有所卻步之原因；灰色框 non-HD screen 加上螢幕細小，明顯追不上現今標準個螢幕係 touch screen，理應可以不裝遙控器、騰出位置加大螢幕呎寸，但個 touch screen 反應不靈敏，好幾次要大力㩒落去/連按幾下先有反應
至於內容選擇就符合一般航空公司標準，未去到 Emirates / Qatar 咁 comprehensive，但小弟對日本電影/音樂興趣較大，ANA 呢方面就幾合我口味


其中小弟睇咗日本動畫你的名字（其實就我今次個 trip，千與千尋會更適合 XD）


飛到日本後一路多雲，加上 NRT approach path 前一大段都在海上飛，影唔到日本本洲


千葉縣南方海岸


下降中


呢部 B763 裝有 front weel camera，但畫質十分低清（回程搭 B788 反而唔見任何 camera）


是日飛行路線


降落後所見，American Airlines B787-8


商務艙排位 2-1-2，不能平躺


由前至後分別為 ANA B787-8、Air Canada 舊塗裝 B787-8、ANA A380-800 海龜機


今次自己一個飛、唔駛就其他人步速，加上 NRT T1 入境唔算多人排隊，而家 JR East Pass 又可以自己用售票機拎，小弟 ～14:50 落機，最後趕到 15:44 的 N' EX 出東京站
（番外：JR East E259 系正轉換塗裝，由過往強調 N' EX 改為 E259 Series 標誌，可能 N' EX 外批車將有其他用途？


歡迎討論，回程報告稍後張貼

日本精選圖片見 #2
回程飛行報告見 #10

部分行程相片

今次行程頭幾天係小弟首次踏足日本東北，之後搭新幹線返東京玩，喺東京送走一位朋友，自己玩咗兩日，再匯合另一班朋友，之後從東京離開。

第一天到東京站後，直接搭東北新幹線上仙台；E5 + E6 系連結
（據網上資料，呢班應該係派 H5 系，唔知點解當天變了 E5？）


被形容為仙台四大牛舌店中，最好食的善治郎


平泉毛越寺


淨土亭園


猊鼻溪遊船


獅子鼻岩石


松島海岸


宮城縣松島離宮，小弟同朋友在此租浴衣


松島魚市場，當日幾間舖都話無生蠔 ://


五大堂


觀瀾亭茶室


和菓子、抹茶


返仙台時路過鹽釜市，3.11 地震、海嘯災區之一，圖片可見災後加建之海牆


之後搭咗兩程巴士到銀山溫泉，入住著名之能登屋旅館，據聞為宮奇駿 “千與千尋” 內油屋之原型


房間


溫泉晚餐


晚上之銀山溫泉街


白銀瀑布


放仙女棒（朋友話係水邊放，萬一有意外都可以掟落水中滅火；當然最後全部成功放曬，非常安全）


搭旅館 shuttle 到大石田站，再轉山形新幹線回東京；兩程加埋近 4 小時


上野 三浦三崎港壽司


淺草今半 壽喜燒


淺草寺


Teamlab planets


Shibuya Sky 夜景，可以見到東京鐵塔；比幾年前上 Skytree 正好多
（話說呢兩個景點，好似變咗近期東京旅遊必去之地...）


HARBS 水果千層蛋糕


原宿 くら壽司 旗艦店


多摩川河床、兒童公園


調布市 多摩川原橋
（呢兩個地方我係因為 電影 “她和他的戀愛花期” （2021）在此取景先去，但就算無電影加持，黃昏市份多摩川旁係幾 chill~）


鎌倉小町通


鎌倉高校前，江之電平交道 + 湘南海岸


江之島


八爪魚仙貝


江島神社 中津宮


江島神社 奧津宮


江之島岩屋


洞穴內


稚児ヶ淵


搭小田急浪慢特快返新宿


新宿歌舞伎町


其中一餐去咗玄品食蟹宴（去河豚專門店食蟹係咩事？但 turn out 我覺得幾好食）


今次喺東京自己 stay 的日子，揀咗住赤羽站旁；選赤羽係因為佢有齊湘南新宿、上野東京兩大快速系統，去山手線各主要大站都放便



（待續...）

2019坐ANA NRT>HKG 已經係派雪糕做甜品，去程HKG>HND每次都係凌晨機得早餐就應該無啦

szeto993 發表於 2023-8-17 06:06
2019坐ANA NRT>HKG 已經係派雪糕做甜品，去程HKG>HND每次都係凌晨機得早餐就應該無啦 ...

2016坐CX HKG<>NRT都係派哈根大師

當時機票 CX red-eye 同日間航班價錢一樣，同時聽聞 CX 短途 red-eye 不供應熱餐，半夜搭飛機亦會以休息為主、唔會點用 IFE，感覺太唔抵

其實尼個考慮因素真心無謂, red-eye同日間一樣價錢已經等如平左....

B763載客量真係少A321?

Larry93 發表於 2023-8-17 20:49
B763載客量真係少A321?

唔知樓主係唔係用廉航做比較，但ANA依家剩低嘅763得202座，同CX嘅A321neo一樣

clivetock 發表於 2023-8-17 09:55
2016坐CX HKGNRT都係派哈根大師

我 2016 同 2017 各飛過一次 CX HKG - KIX, 回程 (CX 595 / 569) 晚餐 setting 都無雪糕；到 2019 年飛 HKG - NGO 就來回都有

cruisesnet 發表於 2023-8-17 11:15
其實尼個考慮因素真心無謂, red-eye同日間一樣價錢已經等如平左....

如果用 UO 價錢作參考，最貴係早機去、晚機返的組合，其次先係來回 red eye

我只係考慮機上體驗，又唔會話無謂嘅（最多係日本行程上少咗幾日）
況且，我買機票時，今次 NH 812 + 859 係平過  CX 任何 HKG - HND/NRT 航班組合

在日本 stay 了接近 10 日，是時候回程。

- Tokyo / Haneda -

最後一晚酒店喺赤羽站旁，而回程航班由早上從羽田出發，小弟先搭京濱東北線到濱松町站，然後轉東京單軌到機場。
（本身由赤羽出發到東京市區，搭上野東京線會比京濱東北快，亦可以搭到品川站轉京急線到羽田；但小弟首次用羽田機場，想搭下東京單軌）

趕到 06:50 的空港快速，之後 07:00 - 08:59 早上繁忙時間不設空港快速（圖片攝於抵達羽田 T3 下車後）



駛往大井車輛基地之東海道新幹線 N700A 列車


於眧和島站越過各停列車


接近羽田機場，可見 ANA B787 及 Qantas A330


一出單軌站已經係羽田 T3 客運大樓，非常方便

後記：此航班為 7 月上旬乘搭，現時 ANA HND - HKG（NH 859）已改由 T2 出發，搭京急/單軌往機場的話，要遲一個站落車


同樣係 self check-in，自行掃瞄護照、列印登機證（熱敏紙質）及寄行李


江戶小路，但早上時份大多餐廳都未開


日本各主要機場大都設有觀景台，見有時間就出去睇下


要影日籍航空客機當然唔難


Air France B777-300 ER


ANA B787-9 Pokemon jet


國泰 A350-900


Security check 大排長龍


本身想喺機場食個早餐，但前一晚食咗宵夜有點飽，加上 food court 同樣排長龍、時間未必足夠，最後放棄


於閘口掃瞄登機證時遇上阻濟，最終要地勤重新以卡紙重新列印登機證方能成功


今次由 outer bay 登機，喺 HND 不論機艙等級，都係由呢款巴士載往閘口登機


- NH 859 -
Route: Tokyo International Airport (HND) - Hong Kong Int'l Airport (HND)
STD - STA: 08:55 - 12:30 (4 hours 35 mins)
ATD - ATA: 09:36 (pushback) / 10:17 (takeoff) - 12:52 (gate arrival)
Seat: 12K

Aircraft: Boeing 787-8 Dreamliner (operated by Air Japan)
Reg. No.: JA801A (ANA 首部 B788，多年前曾上畫 “鯖太郎” 塗裝)

當日用機（落機後於香港機場拍攝）


小弟第一次（亦係此前唯一一次）搭 B787 系列喺 2016 年搭過一次 JAL 飛東京/成田，當時機型應為 B763，唯去程 last minute equipment change 改成 B788，亦慶幸有窗口位坐，搭乘後對 B787 的電子窗一試鍾情，令 B787 成為小弟一直最想搭之機型；耐何當時香港為國際級都會，航空需求極高且 premium heavy，大多外國航空會派出旗艦機型（多為 B77W, A359 甚至 A388）執飛香港航線，少用定位用作執飛二、三線城市長途航班的 B787 系列，加上香港沒有任何航空公司引入 B787，疫情前由香港出發搭到 B787 機會不算太多，小弟之後 2016 - 2019 各個 trip 都無遇過。

直到 2020 年疫情爆發，香港實施極嚴格之入境檢疫措施，航空客運量大減，部分航空公司改用 B787 執飛香港線，先後有 Air Canada、KLM、Air France 等，但小弟都係搭唔中；早前預訂 Qatar Airways LGW - DOH - HKG 表定兩程均為 B788，結果分別改為 A359 及 B77W（飛行報告見文末連結）；今個暑假搭到的 B787，只淨此程 ANA B788。

今年 3 月訂票時 ANA 表定以 B787-9 執飛，其後收到電郵指機型由 B787-9 改為 B787-8，同時改由 Air Japan 執飛；在此要讚下 ANA，就算不影響已選擇之座位，亦會主動通知乘客機型變動。（記得多年前搭 ANA，當時 NH 811/812 由 Air Japan 執飛，NH 859/860 由 ANA 自家派機；到 2023 年，兩班 HKG 機竟然調轉 operator）

誠然，小弟曾經搭過 B788 但未搭過 B789，無得搭新機型係由點失望；但相比起今年 6 月部分日子 NH 859/860 改用 The Room B77W，或今個夏天小弟搭的其他航空公司（Qatar Airways and another），B789 換成 B788 已經算好小事，至少一樣有電子窗玩。

今次坐 12K 為經濟艙第一排（config: 240-seat B788），屬 bulkhead row 及有 extra legroom。
小弟經 ANA 官網訂票，機票確認時已可選擇標準座位（不包括前排 / extra legroom 座位），就算係 promotion fare 亦然；起飛前 24 小時內於 ANA 網站 online check-in 時，所有未被選擇之座位（包括本身要額外付費的座位）均可免費指定。

Check-in 時有諗過要唔要揀第一排，因聽聞過 ANA 國際線 B787 機隊，經濟艙 legroom 達 34’，比一般航空公司排發鬆動，甚至達到部分 Economy Comfort (or equivalent) 之座距；不過免費坐 bulkhead row 的機會不是經常有，亦 google 過客艙相片、確定不是 missing window，最後都係揀咗。


ANA B787 經濟艙採用標準之 3-3-3 座位排列，比 JAL 國際線 B787 之 2-4-2 窄；不過當天班機 loading 不太高，空出不少中間位，包括小弟隔壁座位


就算有 IFE，ANA 亦有裝設公用螢幕，航行途中時會展時飛行地圖/資訊，對我而言更方便
（呢幕 safety demonstration 內容為：若氧氣面罩跌下，應先除下原先配戴之口罩，再戴上氧氣罩；事實上與日本境內各公共交通一樣，現時 ANA 機上戴口罩與否為 optional，小弟目測比例約 50/50）


由於沒有 “前方座位”，手提行李只能放在頭頂行李櫃內；當時空姐亦給予另一選擇：起降時手持該件物品

由於 partition 上裝有共用螢幕，bulkhead row 的 IFE 收於扶手內而非隔板上，起飛、降落時需收起；螢幕呎寸較一般座位小，但與去程的 B767 比，B787 的螢幕應為高清，清晰許多；同樣為 touch screen 亦有提供遙控，但今次個 touch screen 相當靈敏度，比去程的 B763 明顯超班；我會形容今次 B787 的 IFE 係合符現今水準，當然 ANA 有在較新的 B789、B781、The Room B77W、A388 等安裝更大之螢幕。電影、電視選擇則與去程相同


B787 不設傳統遮陽板，改用電致變色，共有 5 個亮度供選擇（左：最光；右：最暗），由窗戶下的按鈕控制（上下按）
最光 = 無遮擋，到最暗時會有相當明顯的反光，可以當係一塊鏡影自拍，亦可以見到窗外景物，但就好似落重了藍精靈 filter
小弟今程機起降時間外，窗戶大多時間較至第二光，感覺比全亮舒服，亦唔會覺太暗；影相想突顯 B787 的藍色電子窗戶、同時不失窗外景色就建議用中間一格的亮度


搭唔到的 ANA B787-9


登機後遲遲未 pushback，機長廣播因 HND departure slots 關係，要 delay 30-45 分鐘；空姐隨即推車派發飲品及米菓小食


35 分鐘後終於可以 pushback；但滑行到跑道口時，機長再次廣播，前方有 6-7 班機要先飛，預計 20 分鐘後方可起飛，同時關閉安全帶燈號，指示乘客可在此時段去洗手間；起飛前會再作廣播、重新亮起安全帶訊號燈，屆時請乘客配合返回座位


Skymark Airlines B737-800 Pikachu Jet


Solaseed Air B737-800


起飛後所見，品川、港區一帶之工業/物流區域（影到引擎～）


之後直插雲層之上，羽田飛香港、坐右手邊睇富士山的願望，今次落空了


由於起飛前已派小食，起飛後、派餐前只有 drinks service (未有影相)

之後派發第一餐，小弟唔記得影餐牌，下圖於 ANA 官網下載


今次選了 Set B；同樣有三款前菜/小食、主菜，西式餐有配麵包，派餐後有飲品供應


ANA original salad dressing 味道不錯，不過我對（野菜）沙律配（蟹柳通分）沙律的餐單組合有點保留，如果其中一碟可以換成其他小菜會更佳；但無論如何，經濟艙飛機餐提供三格前菜都係值得一讚；主菜一如所料，炸魚係好食但諗咗，而我認為更大問題在於黃薑飯，放喺呢個菜式唔太夾，可能用返白飯/炒飯效果會更好。

甜品同去程相同：Haggen Dazs Vanila - 穩陣、好食的飛機餐甜點；餐後有 tea/coffee services（無影到）


飛過鹿兒島


收 meal trays 後機組人員將所有窗戶調暗，但未有鎖上窗戶控制；乘客仍可自行調較至其他亮度


ANA 於 B787 上裝設免治馬桶（或稱為 “洗 pat pat 廁所”），但返香港前喺日本食咁多餐、以及 ANA 之飛機餐應該相當衛生，小弟毫無腸胃炎或食物中毒之徵狀，不需要在上午大解，無緣一試。


部分廁所內設有窗戶，除 B787 窗戶之變色功能外，洗手間之廁所裝有實體遮陽板；不過半空中，兩架飛機應該不可能靠近至可以從窗戶偷窺之距離？


之後睇電影、閉目養神無影落太多相；下圖已經飛到廣東省海岸，汕頭、陸豐一帶


雙月灣


進入香港上空，船灣淡水湖


大埔汀角一帶，可見慈山寺之素白觀音象


新界西北，引擎左方為八鄉路高架橋、港鐵八鄉車廠等，上方可見后海灣、港深西部通道/深圳灣公路大橋（較為模糊）


被稱作 “港版千島湖 / 九十九島” 之大欖涌水塘，估唔到我第一次見係喺飛機上面睇


屯門碼頭區


內河碼頭一帶


飛行路線；當日起飛前延誤近 1.5 小時，但抵達香港時只比原定時間遲不多於 30 分鐘，巡航時我見 ground speed 一度超過 1000 km/h，不清楚係咪順風、飛行時間較短？


降落後滑行中，中國南方航空 A330


Thai Airways B777-300 ER


山東航空 B737-800


長榮航空 B777-300 ER


現時 ANA（Air Japan）執飛 HND - HKG 之 B787-8 為 240 座位（regional config.），商務艙為 2-2-2，不能平躺亦沒有 direct aisle access


- comments -

今個夏天搭咗 Skytrax 全球第二（Qatar Airways）及第三（ANA）的航空公司，如果兩間航空公司比較的話，我會形容 Qatar Airways 的 wow factor 比較大，IFE 比較豐富、飛機餐三個選擇、酒水特別豐富、機上設備較新等，但搭落會發現的問題亦不少，check-in 過程不暢順、非常失望的機型轉換、A359 多個座位損壞等，而 ANA 係各方面都穩定地好，從 check-in 選位、登機效率、座位舒適度、飛機餐配置、IFE 內容等，除咗 B763 IFE 好舊同 ex-HND 個主菜唔太啱口味，基本上諗唔到其他要批評的事項。

選 ANA 一方面係好耐無搭過日籍航空、想體驗吓，亦想把握機會搭 B767 系列，順便搭吓久遺的 B787；總括而言，我對此旅程甚為滿意。

今次搭 ANA 去東京個價錢的確唔平，雖則未去到天文數字，但考慮到 7月頭算暑假前夕，價錢同疫情前比唔算特別貴咗。當然，如果一心要降低旅費，我會選搭 HK Express / 其他 LCC。You get what you paid for =)

過往飛行報告：
(2023/Jul) [夢幻破滅] Qatar Airways: London Gatwick - Doha - Hong Kong
(2023/Jan) [飛越絲路] Finnair A359: Hong Kong - Helsinki - London

(2022/Dec) [First LCC] HK Express HKG - Fukuoka: A321/A320neo
(2022/Dec) [北方雪國] Finnair A320 + A359: London Heathrow - Helsinki - Hong Kong

(2022/Sep) [Missed Connection] Lufthansa A320 neo: FRA - LHR
(2022/Sep) [都係逃不過 Delay] Lufthansa: A343 HKG - FRA

(2022/Jul) [回港之路不容易] Lufthansa FRA - HKG + 我在法蘭克福的17小時
(2022/Jul) [典型歐洲航班] Lufthansa LHR - FRA

(2021/Aug) [under Covid] British Airways B77W: HKG - LHR

(2019/Nov) [首嘗 A380] Emirates: HKG - Dubai - Edinburgh