[2023/07] Trip Report 9: 近畿地方鐵路見聞錄

暑假開始去咗轉大阪，亦順道去咗一日京都；由於日本嘅鐵路太發達，所以基本上所有地方都係用鐵路做接駁，不過小弟嘅日本鐵路認識唔深入，所以今次資料搜集用多咗啲時間。



第一個去嘅車站就好理所當然嘅係關西空港啦


售票處；因為JR同南海都喺同一個站，所以所有嘢大家都分得好開，寫明係邊間公司


而小弟係坐南海嘅rapit出市區嘅


落月台，有清晰指示；日本同英國最大嘅分別，就係英國啲指示永遠都係咁模棱兩可


南海路線圖+時間表


隔離月台有架7100系嘅南海電鐵，係做機場急行嘅


外貌酷似武士嘅50000系 rapitB 都到達


不過掛起咗塊牌，因為車上有人嚟打掃乾淨


車廂入面：架車非常高挑，窗口都好大，座椅legroom都超多，同過去2年成日坐嘅英鐵相差太遠喇；最緊要係架車完全睇唔出係就到30歲嘅老車


坐嘅係面壁位，不過都有枱用，每一卡嘅設施都寫晒出嚟


報站機


隔離有Hello Kitty Haruka，雖然之後都見到佢幾次，但係成個旅程都冇坐到


開車冇耐就上連絡橋，關西機場對外唯一通道


關西機場一覽


臨空港，完全估唔到返到香港冇耐呢度會有國際大刀會事件


之後去行下，每卡車之間嘅門都係自動門


自動販賣機


爭啲以為係百貨公司喺𨋢嗰啲樓層指南


南海特急其實快急行車少少，停嘅站又唔夠JR方便，所以睇落都唔多人坐


經過一個車站，見到啲普通車喺度讓路，咁啱就係1001


6200系50番台
南海嘅金屬色設計，好容易諗起美國啲重金屬鐵路車輛


路過車廠


去到落塌嘅新今宮，又見到架10000系


去民宿途中見到個平交道，係阪鎅電鐵嘅路軌


咁啱見到呢架701形電車


唞咗陣就上咗通天閣，其實真係好矮


天王寺站


大阪城


221系列車

'
環狀線323系列車


283系列車







夜晚就去心齋橋同道頓掘呢啲大路地方


走嘅時候坐地鐵御堂筋線，呢部車嘅時代感有啲重


係1986年登場嘅北大阪急行電鐵8000形
睇落突然有啲似香港M-train

《第一日完》

Rapi:t 暫時未有換車消息，並曾在 2014-18 年進行翻新，唔知會唔會行到 2031 年なにわ筋線通車。

下次去大阪如果有機會我都想搭下。

第二日續
咁呢日就去咗環球影城，鐵路都係交通工具嘅角色嚟；環球影城係有自己嘅站，叫環球城站，喺櫻島線上面


第一次上嚟新今宮嘅JR站，見到呢架221系，佢開走咗先知呢部都去到轉車站西九條；不過環狀線咁密就唔怕啦


反方向嘅323系環狀線用車


對面嘅大和路線221系列車


跟住就已經係我部車嚟：323系大阪環狀線（LS17）
個人好鍾意呢隻車殼，所以亦都好鍾意225系嘅第二、三批車


內籠都闊落，竟然朝早嘅環狀線都唔係好繁忙；之前喺東京俾山手+中央線快速多人到嚇親


中途見到呢部應該係287系


去到西九條見到架櫻島線列車已經喺對面就啦啦聲跳上車，不過原來未夠鐘開車
又係323系，但係今次企咗喺cab後面；呢一個係我最鍾意嘅日本火車feature



企喺cab後面睇車（恕小弟僅用電話影相，質素不佳）


沿途仲見到EF210機車




到達環球城，對面有架回送車


環球城站呢個上蓋設計幾得意，已經好有機動遊戲排隊帳幕嘅感覺


個打卡專用波



咁特別提呢架5972嘅mock-up車
5972就係Harry Potter系列入面嘅Hogwarts Express，佢嘅真身係英國GWR 4900Class，最初係投放喺Carmathan, South Wales，輾轉喺1963年轉到小弟之前嘅住處Cardiff，其後冇幾耐就退役，但係又好彩得到保育，而家喺英國嘅Harry Potter Studio到靜態展出（好心就攞架Mock-up放咪得囉，一架火車就應該保養住佢，得閒放佢出去railtour吓）




到夜晚走嘅時候就坐返櫻島線出去轉環狀線





但係因為走咗架大和路線嘅車而又要等下架；等等吓就下班櫻島到，仲要係Mario主題列車




之後就有Haruka列車飛速駛過，好好彩pan得中隻無嘴貓❤️


繼續係環狀線323系列車


返到新今宮（前面嗰位仁兄唔洗講都知喺環球影城返嚟）


小弟至愛嘅車站鐘

《第二日完》

《第三日》
呢日去咗位於門真站嘅Lalaport Outlet，坐咗幾間唔同嘅鐵路公司，亦係擺得最多烏龍嘅一日


根據前一日睇Google Map，我哋應該坐地鐵鎅筋線去北濱，再轉京阪去門真站；落到去動物園前站，見到部阪急車突然呆咗，之後先記得日本嘅火車有跨社直通運行


京阪應該好鍾意木，車身外同車廂內都係木色



去到北濱之後就上大堂出閘轉車，見到啲指示咁樣
右手邊條鐵柱後面係條通道，咁見到個大大個箭嘴話去京阪北濱，就行咗嗰條路～
但係我冇為意嗰個細箭嘴，條通道係去難波橋嘅


結果一上就上咗地面，喺難波橋啦（哈哈哈。。。）


就當順便去多咗個景點啦（哈哈哈。。。）


個站嘅入口喺對面


但係前面又有個京阪嘅標誌


不過最後都係落到去嘅，個站好大，睇落又好新，但係一個人都冇呀



落到月台咁啱有架車，即刻跳上車，都仲係冇人呀
話說因為小弟嘅嚴重失誤，同行者唔再信我而另外睇Google Map；Google Map就寫要喺天滿橋度轉另一條線，不過話說都係直通運行，所以可以留喺架車度；但係同行者失去信心而堅持落車


到發現架車可以去到嗰時已經開走咗嚕
（吖，頭先嗰架原來係13000系）


又一個本身唔洗去嘅車站（哈哈哈。。。）


鐘，又係鐘


等咗一陣又有車，仍然係13000系


因為我哋嘅係普通車，所以好多人喺守口市落車轉快速/特急


守口市可以轉乘Osaka Monorail


終於去到啦


捐血車，外型酷似澳巴之前嘅Hino


話說因為同行者朝早都擺咗烏龍，所以帶路嘅工作又交返俾我喇
同樣係落到月台即刻有車


不過今次嘅車明顯舊好多好多

今次小弟決定去京橋轉JR返新今宮，純粹係怕咗難波橋嗰帶，順便unlock新站


原來頭先坐嘅係1977年製造嘅京阪1000系


因為要轉社，所以都係要行一段距離

落到去見到323系喺月台就衝咗上車




去到天王寺就瀨嘢喇，全車人都俾人趕落車，睇清楚先知嗰架環狀線唔會行晒成個環，而係去到天王寺就回送嘅；又解鎖一個唔關事嘅站喇（哈哈哈。。。）


隔離有架221系，都係回送嘅


隔離月台就係225系；雖然掛咗環狀線牌頭，但係唔想坐晒成個環，所以冇上到
有架287系特急




我哋個月台都有225系入嚟，幾好，又係回送


最終等咗成10分鐘先有啱路嘅車到

呢個故事教訓要睇清楚先好上車

《第三日完》

印象中南海 rapit 唔係少人搭，始終可以直達難波/心齋橋；可能樓主係朝早到關西空港?

不過我之前下午降落東京成田，搭 N' EX 都唔算多人（比疫情前少）

《第四日Part 1》
呢日係去京都，主力做鐵膠，所以今日嘅內容比較多，亦會分成幾part


朝早第一程車係環狀線，不過今日坐到221系


坐到去大阪站


繁忙嘅大站
不過嚟呢度並唔係坐JR特急
所以向出閘方向行


出面嘅大鐘


無錯今日坐嘅係阪急，大阪梅田站




世上最繁忙嘅港灣式月台總站
雖然喺亞洲呢款月台唔常見，但係喺英國用過唔少次，又有啲熟悉嘅感覺




不過呢個站唔知點解係特別壯觀嘅，所有列車一字排開


PIDS





走去月台尾影一陣車

阪急啲車全部都差唔多樣，成日都係人討論嘅對象；可惜嘅係我未練成可以分辨阪急嘅技能








阪急5300系


7000系







9300系





莫名嘅熟悉感原來嚟知個外貌：阪急啲車好似我熟悉嘅英國Sprinter




魔改版7300系


影下影下，我要坐嘅車到喇
7006/7106
京とれいん 雅洛

《待續》

Fuk19805 發表於 2023-7-28 18:15
《第三日》
呢日去咗位於門真站嘅Lalaport Outlet，坐咗幾間唔同嘅鐵路公司，亦係擺得最多烏龍嘅一日

雖然叫環狀線，但大阪環狀線實際運作係幾複雜，冇山手線咁簡單。

一般運作上，天王寺、大阪、京橋都可以係起終站，除繞圈各停外，你之前搭去環球影城條桜島線都有車會踩入環狀線到大阪或京橋；從阪和線（関空、和歌山）及大和路線（王寺、奈良）進入之快速會停部分車站，行大半圈到京橋或一圈到天王寺；大和路線有部分列車只行天王寺至今宮一段，然後轉入JR難波；阪和線另有特急（Haruka、Kuroshio）從天王寺進入後不停站至福島離開環狀線落地，經過單線踏切到大阪駅地下月台；JR難波及大阪駅地下月台會在2031年なにわ筋線通車後駁通。

整體效果就係大阪環狀線西圈比東圈更多車，東圈車疏又唔係架架可以去返西圈。

去日本搭車唔好太靠Google，去到車站／月台要望清楚PIDS核對，鐵膠最好事先download定transit apps（Navitime、JapanTransit等）甚至營運商時刻表熟讀。

DIH 發表於 2023-7-29 11:49
雖然叫環狀線，但大阪環狀線實際運作係幾複雜，冇山手線咁簡單。

一般運作上，天王寺、大阪、京橋都可以 ...

日本火車真係好難搭又要轉社，啲站又大，啲停靠站又亂
所以香港人可以見車就上真係好幸福，喺日本坐錯車下下都好似坐錯咗入康城嘅感覺

<第四日Part 2: 京とれいん 雅洛>



特別改裝過嘅7006/7106係專用嘅車嚟，不過只會喺假日做雅洛嘅快速特急；對於普通鐵路迷嚟講就冇乜太有趣，但係如果同行有屋企人或者女友就不妨考慮帶佢哋上車打吓卡啦。只係要注意日期同埋時間表，仲要提早啲喺梅田等車，否則係有機會冇位坐，甚至上唔到車；落咗車之後亦有相當嘅時間可以留喺架車度打卡喔


上車之後大家喺度揀位坐，事關每卡都有唔同嘅主題，亦有唔同嘅座位佈局


我哋3個人，坐呢啲3連面向窗口位就最適合不過喇


估計係使用櫻花圖案嘅凳皮


用作裝飾嘅紙扇





行駛於阪急京都線上



一到京都就即刻轉牌返大阪，不過仲可以留一陣先




車廂內嘅大型裝飾品





部分車卡用2+1佈局
不過每卡嘅主題都唔一樣，所以個凳皮都唔同；但係因為有車卡有女仔喺度打緊卡，為免瓜田李下，所以冇影晒咁多車卡內部




橫向嘅單獨位


秋季自閉位


對面嘅秋季L型梳化






紅色凳嘅車廂








藍色凳嘅車廂


個人覺得塔塔眯凳最得意


京都河源丁



bye 7006/7106

《待續》

<Day 4 Part 3 京都鐵博>

京都鐵博，好多人都話佢好多嘢睇好正；可能係咁，我嘅期望有啲過高。個人對日本蒸氣火車係麻麻地嘅，日本車我會比較鍾意EMU同新幹線，所以今次嚟京都鐵博就唔係幾啱口味


入場票



梅小路扇形車庫，入面主要都係蒸氣火車頭


因為真係冇興趣，所以對佢哋嘅認知接近0，介紹唔到


由D51重建而成嘅C62，聽講佢仲係可以行駛


呢架C57 1都可以行走，喺臺灣嘅CT273都係佢嘅同系列車輛


8620型蒸氣火車


上層嘅觀景位置，可以清晰見到個轉盤


背後可以一覽東海道新幹線嘅路軌


觀景台都可以直通室內區


489系EMU，車頭掛上雷鳥號嘅headmark，主要來往大阪同金澤，2011年退役後就交由683系行駛


581系，主力行走北國號，往來新潟同大阪，不過當佢2012年退役後，成組服務都取消咗




500系新幹線，相信唔洗點介紹㗎啦，但係一把年記都仍然相當前衛


一堆headmark掛咗喺牆


黑潮號KiHa81系


EF66 電力機車
細細個就已經睇雜誌見開呢隻車


300系新幹線
成日覺得300系係under-rated嘅一代，老又唔夠0系老同經典，新潮又比唔上500系同700系


DD51 柴油機車
又係一款日本嘅代表型柴油機車


成個場都超多5歲以下小朋友橫沖直撞




原來係麵包超人主題車卡巡迴演出，呢幾日咁啱嚟到京都，啲小朋友排180mins都要上車

無意同小朋友爭，所以出咗去


環狀線103系列車
原來103系都係2017年先撤出，仲以為係好耐之前嘅事


車廂內可以參觀，不過因為焗住晒真係好熱


DD54 柴油機車


80系 EMU
首批車1950年代已經砌好，可見設計都好當代下
隔離有另一部C62蒸氣火車



0系新幹線
當時嘅新幹線其實都係130mph，而家好多高鐵都輕鬆做到，但係話晒都係世上第一款高鐵車輛，而呢一架更加係第一部0系

賣便當嘅舖頭
之前喺東京已經集齊咗啲造型便當盒，所以今次冇買喇


之後去睇紀念品店，隔離有個模型展品區
最得意莫過於見到英國嘅蒸氣火車 Sir Nigel Gresley
以前係日本同英國嘅火車鬥快，點知到而家服務速度最快嘅仲係50年前嘅125mph





++ 離開鐵博之後，梅小路公園內亦有幾架退役嘅京都市電

今次又多人又熱，希望第日會對蒸氣火車更加喜歡，到時再戰京都鐵博，否則都係搵次去名古屋個磁浮博算喇

（待續）