廣州地鐵四號線今日起停運 50 天

由 8/5 - 27/6 期間，因為要為四號線南段蕉門及金洲站開通前測試，
廣州地鐵四號線將會全線停運。期間將增設臨時公交專線接駁大學城。
而蕉門及金洲站將於 28/6 啟用，南沙開發區將正式駁通地鐵。

相關新聞：http://www3.xinhuanet.com/chinan ... content_9964910.htm

不過我諗，延長兩個站姐，唔駛全線停個半月掛....
其實係咪蝕得太犀利咋？

內地的地鐵試運營方式，往往要達到「零錯誤、零延誤」指標，
好讓地鐵公司以至城市領導階層有個最好交代。

故不難發現內地地鐵線通車，祝賀標語用語會以「勝利開通」表示。

原帖由 da54 於 2007-5-8 10:33 發表
由 8/5 - 27/6 期間，因為要為四號線南段蕉門及金洲站開通前測試，
廣州地鐵四號線將會全線停運。期間將增設臨時公交專線接駁大學城。
而蕉門及金洲站將於 28/6 啟用，南沙開發區將正式駁通地鐵。

相關新聞：http://www3.xi ...

看你附上的link﹐第一句便寫 「去年12月30日，广州地铁四号线万胜围至黄阁开通试运营」。

重點有個「試」字﹐即係原則上可以隨時停止運作

雖然﹐停運可能有來好多不便﹐但好似4號線的班次係好疏的﹐同時只係營運左5個月﹐定期客唔會太多﹐應該地面交通工具可以應付﹐不過所需時間 。

原帖由 UCR683 於 2007-5-8 13:38 發表

故不難發現內地地鐵線通車，祝賀標語用語會以「勝利開通」表示。 ...

唔止地鐵, 內地咩都用「勝利召開」、「勝利閉幕」、「勝利完成」架啦.
可能潛意識以為好多敵人在周圍破壞卦......

要測試可唔可以系夜間收車間做?

只要調校一下系統時間就ok，唔一定要real-time。

原帖由 raylex 於 2007-5-9 02:45 發表
要測試可唔可以系夜間收車間做?

只要調校一下系統時間就ok，唔一定要real-time。

以中國國情,停運比起邊做邊來得要好,君不見早前
4.18六提搞出幾多笑話,所以停運以進行24小時實時
調校係最好不過做法

原帖由 orange 於 2007-5-9 02:54 發表

以中國國情,停運比起邊做邊來得要好,君不見早前
4.18六提搞出幾多笑話,所以停運以進行24小時實時
調校係最好不過做法

以中國國情，有錢賺的就可以邊行邊試邊邊建設，
蝕錢的就千方百計百計搵辦法行少一日得一日。
如果唔係廣深線邊會晚點三倍都照同你行丫....

原帖由 da54 於 9/5/2007 10:29 發表


以中國國情，有錢賺的就可以邊行邊試邊邊建設，
蝕錢的就千方百計百計搵辦法行少一日得一日。
如果唔係廣深線邊會晚點三倍都照同你行丫....
...

但如果廣深線停運的話
受影響的人數遠比起停運四號線來得幾十倍，甚至係幾百倍

除左廣深高速車外，連城際客運、長途線甚至貨運都有重大影響
而這些你覺得能否單靠加開專線而應付得到呢？

不是說有錢賺就唔駛停，無錢賺就停的
有時都要看看實際情況架...

原帖由 GD1570 於 2007-5-9 12:15 發表

不是說有錢賺就唔駛停，無錢賺就停的
有時都要看看實際情況架...

但係咁已經證明試驗、施工唔一定要大規模停運啦。
講黎講去都係乘客人數姐....

我估四號線停駛唔只今次, 因為四號線
萬勝圍<>奧林匹克中心仲未開通

講開又講, 我覺得真正搭四號線既人唔係好多
我覺得大部份人都係貪得意買$2票原站出入
黎去試四號線