[2015.04] 東京東北十日遊回顧

DIH 發表於 2020-5-3 18:27
第五日：日光

搭的士到東武淺草駅

東武100系都開始舊了，外型當年來說很劃時代，係靚。
最近搭，尤其車內有點老態，不過都係一代名車。

下今市改做了有SL的站頭和車廠，連站內都有翻新。

連同東武全新500系，可以3+3輛併結，係幾靈活和舒適，不過取代唔到100系那種傳統豪華感覺。
修改了時間表，仲要多了直通特急/快速班次經野岩鐵道和會津鐵道到達會津(田島)一帶。
(但6050系就唔再直通，淺草出發不用特急就要搭/轉耐左車)

會津鐵道都會派氣動車行快速班次由會津若松直達東武日光，又係好正既派車和觀光班次。

東武係有心做好日光一帶的交通和旅遊。
係好特別既區域。

DIH 發表於 2020-5-3 22:20
第六日：東武世界廣場、北上

朝早去東武世界廣場（Tobu World Square），有唔少得意的火車模型，主角當然 ...

近年山彥號都轉了多用E5，一代泛用名車E2都開始淡出舞台。
仙台到盛岡呢段，E5+E6併結一站直達班次只需50分鐘，係超級爽(320公里時速)；
反為隼(部份)/山彥號「站站停」要行個幾鐘，感覺的確麻麻。不過呢批站客流不多，一個鐘一班站站停已經算好。

盛岡絕對是(北)東北遊其中一個最靚既住宿落腳點。

試過用Pass遊東北，又係首選盛岡車站附近無合宜價格房間，有北上和八戶選，我衡量過車輛種類和班次(以及房價)，最後選了八戶站。
仙台/盛岡中間那堆細站，自己去過古川和一關，都係轉車到其他站/路線為主，北上係展勝地賞櫻出名，其他好像比較少著名景點接駁?

東北鐵道遊非常正，新幹線幫手慳到好多時間，當地鐵咁樣搭。

通常有兜醬嗰啲都可以凍食
可能真係擺耐咗兜醬有細菌
同埋要叮嗰啲嘢包裝招紙會有寫要叮幾耐

另外E2有可能會喺上越頂多一排
因為之前浸咗北陸好多車

arfung 發表於 2020-5-7 12:14
近年山彥號都轉了多用E5，一代泛用名車E2都開始淡出舞台。
仙台到盛岡呢段，E5+E6併結一站直達班次只需50 ...

盛岡地點真係最好，八戶亦係快車必停站都唔錯，落仙台都可以1.5個鐘之內到，當年被賞櫻蒙蔽了～

其實我諗緊將來假如再有機會去東北搭車遊，都會揀住八戶去青森縣內景點，另外住仙台去附近地方。

第七日（上）：弘前

是日青森縣一日遊，08:00已經要搭去盛岡轉車。


北上站牌


北上設有五條軌道，包括上下行通過線、兩條下行（北行）及一條上行（南行）到發線。等車時若見到Hayabusa飛過都好無奈。



搭E2系Yamabiko 97號到盛岡轉車


盛岡影到的貨列



標高2038米的岩手山，山下驕陽似火，山上仍有殘雪。


Hayabusa超人


轉E5系Hayabusa 1號，上座率甚高。



車內雜誌都以櫻花為主題


到達新青森，距離兩邊車頭都好遠，冇影到車頭。


當時唔知，原來4月29日係昭和の日，標誌住黃金週開始，全車人一齊往同一個方向行……


……一齊去到在來線月台搭同一班つがる（Tsugaru／津輕）！


雖然車廂經過翻新，但難掩歲月痕跡。



呢班車好爆，我五日前在上野劃位，都要同朋友分開坐，得走廊位。


到弘前


又係成車人一齊湧出去


弘南巴士出動車海及流動錢箱



由新幹線到特急到巴士，所有人都係去同一個目的地：弘前公園。



成個旅程係呢度櫻花開得最燦爛，容我貼多幾張。













弘前城天守於2015年8月16日平移以進行修葺，呢次係平移之前最後一次櫻花季。


櫻花祭好熱鬧，買小食當午餐。在樹下準備午餐時我竟然流鼻血，可能係太乾燥，相比其他事件呢樣算小事，就當滋養弘前櫻花樹。




影片
Hayabusa 1號，盛岡発車：https://youtu.be/ARpBgu7ieGs

（下續）

第七日（中）：Resort白神、津軽鉄道、芦野公園

搭巴士出返弘前駅


站內有個大蘋果及津輕三味線演奏


701系


黃金週真係乜野神獸都出齊，竟然遇到一列583系。此車於兩年後退役。




リゾートしらかみ（Resort Shirakami／Resort白神）橅編成



Resort白神共有三列，行駛青森至秋田之間，途經弘前及五能線，方便旅客觀賞白神山地及五能線沿線景色。車窗勁大，車內亦好闊落，同朝早班特急天淵之別。



列車沿奧羽本線行到川部，調頭駛入五能線往秋田。青森盛產蘋果，沿途有蘋果園。


到五所川原，遇上對頭車青池編成。



在五所川原轉乘津軽鉄道


田野景色


到達以櫻花隧道聞名的芦野公園，不過車站附近已落得七七八八。



公園入面有條吊索橋



呢度都有唔少櫻花

















逗留大約一個鐘就走，在平交道望向津軽中里方向：


五所川原方向


站牌


車票


月台


車來


返到五所川原


機関区


橋上攝


呢架キハ22應該已經廢車，後面係除雪車。


影片
Resort 白神，弘前＞川部：https://youtu.be/qTT78TOhGN4
Resort 白神，陸奧鶴田：https://youtu.be/Jw3sbmK84LU
津軽鉄道，芦野至金木：https://youtu.be/pZGV5eS3alo

（下續）

第七日（下）：新幹線派彩

Resort白神くまげら（Kumagera／熊啄木鳥）編成



Resort白神三兄弟banner


往五能線深浦的普通車。留意站柱上的JR標誌都用了蘋果圖案。


橅編成以綠色為主調，熊啄木鳥編成就以紅色為主。




車內設有介紹幾列Resort白神的資料簿








標高1625米的岩木山、蘋果樹與日落


運煤車


到新青森


新青森附近冇乜設施，好在站內有幾間商店及食肆。如果設有大型商場及酒店的話，會係自遊青森的理想據點，然而幾年後的今日都只係得間東橫INN。





食個蘋果咖哩晚餐


不幸事件之四：
當日接近中午時份有新幹線列車在郡山附近扯斷電纜（相關新聞：https://www.sankei.com/affairs/news/150521/afr1505210048-n1.html），服務中斷大約四個半鐘，於是成個下晝都冇車上到青森，連帶南行班次亦大受影響。新白河～福島之間即係郡山。



原本19:44要開的Hayabusa 38號到了20:15仍然顯示在板上。我原定搭Hayabusa 96號，20:40新青森開出，22:11到北上。當時已知Hayabusa 96號唔會照原定時間開出，職員叫我地去到盛岡轉車。


上到月台，Hayabusa 34號應該18:24由新青森開出，但當時20:47仍在站內。參考時刻表：https://www.jreast.co.jp/press/2015/20151211.pdf（最後一頁，雖然係講延長至北海道但大致仍然適用），11:32郡山出事的話，13:29之後就再無Hayabusa到新青森，如車庫無車出，14:36後已經無車南下。由於告示板話16:43的Hayabusa 21號未到，我估呢抽車上一單係原定15:29到的Hayabusa 19號，可能只係重開後的第二班北行車（若無黃金週加班車）。



20:55仍在顯示19:44的Hayabusa 38號，影完無耐出發。


22:00到盛岡，沿途見到北行對頭車都爆滿。


盛岡月台22:00顯示20:50的Hayabusa 38號，相信剛才班車係改成38號，做青森段最後一班往東京南行車，南行客量相對較少所以尾車之前的班次全部取消。


等埋こまち（Komachi／小町）由秋田新幹線駛來併結，大約在22:05開出。


下一班係表定21:51的Hayabusa 96號，即我要搭班車。由於電話網絡訊號唔係幾好（當年重係H+），我查唔到在來線班次，唔敢博，諗住只要有新幹線落到北上就點都快過在來線，惟有一直在月台上等。


表定18:37的Hayabusa 37號在22:38出現在盛岡北行月台，延誤四個鐘。


等了40分鐘之後，表定21:51的Hayabusa 96號在22:42到站，該班車由新青森掃晒沿途各站往仙台。


由盛岡往北上車程只係20分鐘，諗住終於就快返到酒店，點知部車停在月台40分鐘，23:22仍在盛岡，我估係要等Komachi由秋田新幹線出來。中午的延誤，如果只係東北新幹線自己追時間還好，但沿途有兩處迷你新幹線，又多彎又多單線路段，快都快唔起，等佢地行完一轉返來都蚊瞓。雪上加霜的是，由於當日係黃金週開始，所有東京北行新幹線班次全部爆滿，一定要等重開行足全程，抵壘之後至可以調動南行班次。去到呢個位就抌心喇，如果一早訂盛岡酒店，就算有delay都唔使搞咁耐。


在盛岡等車40分鐘然後等開車又40分鐘，大約23:25開車，23:45去到北上，返到酒店已經接近零時。


影片
新幹線盛岡：https://youtu.be/MGUQqOUNlbQ

翌日早上新聞，好彩我唔係在關東受困......






　

其實我o係日本都唔太敢食佢地d凍/常溫便當，硬係形住會好易出事，寧願沖杯麵/立食拉麵都唔會食佢。

除非個便當係車站舖頭即製，然後即刻上車食我就敢食。


歐洲一樣，搵M記/Burger King/Cafe食件熱野都唔敢食cold food

rickywk 發表於 2020-5-9 16:20
其實我o係日本都唔太敢食佢地d凍/常溫便當，硬係形住會好易出事，寧願沖杯麵/立食拉麵都唔會食佢。

除非個 ...

估唔到我一盒麵的故事會引來咁多回響，自此之後我都係唔敢食凍食或室溫便當，寧願直情食即造刺身丼，如必須到便利店解決，只會食獨立包裝無肉麵包或熱櫃的雞串、熱狗、點心。