上水去新都城

277E轉鐵 / 277E > 798 定 東鐵落沙田轉798快D?

睇咩時間啦, 277E 798平日早繁受大老山隧道擠塞影響, 798平日晚繁受將軍澳隧道塞車影響, 有時早繁都會塞車, 東鐵綫班次近期冇咁密, 行車都要慢啲.

如果只係平日非繁或假日, 就到時間梗係277E轉798, 唔得就277E九龍灣站轉鐵, 鍾意搭巴士嘅睇下夾唔夾到694, 277E觀塘游泳池落, 行前去觀塘警署有694搭, 夾唔到亦可以在藍田站轉地鐵, 平過九龍灣站轉, 但要提防觀塘區和你lunch時段, 因快得慢.

保障啲嘅可以東鐵綫落沙田站轉798, 時間容易啲就, 記住要計埋東鐵綫額外行車時間.

此外, 小巴10M係好嘢嚟, 可惜277E冇一個站近觀塘總站, 而中途站又多數唔停.

277E轉798理論上最快
最快一粒鐘左右就返到
當然, 將隧繁時有塞車風險

10M就免喇
因為兩者之間步程太遠, 唔化算

鐵轉798會比較穩陣，一來上水果邊塞起上黎幾係嘢，二來798番寶林大概30分鐘，三來價錢正d啦，唔洗比277E全費。
咁當然轉798之前都望望個app/留意吓有無話大隧、觀繞、將隧塞車之類。