機場穿梭線迷思：19年無直達特快線來往東涌站？

之前田少就好「突然」咁建議要起一條鐵路連接東涌住宅區同機場，引起極大爭議。
與此同時亦都引伸出一個問題：點解無一條穿梭線可以直接連貫東涌站同客運大樓？
大家熟知機場線歷史都記得，對上一次玩S線重組係因為城記長勝擴張太快，
而且經濟大幅下滑，引致細開幾十條S線無通勤客而要摺成三四條線，同時令東涌入機場車程不下於二十分鐘。

到今時今日，S1平日旺場情況大家有目共睹，不過就要全車人陪兜機管局同AWE。號稱「特快」S56班次少而且只有往機場方向，不能稱直接來往。

其實以今日客量班班爆S1而言，開辦類似X1直達客運大樓來往東涌不停站路線絕對綽綽有餘，點解重未有類似路線出現呢？

S1 都唔算班班爆既
係東涌站／一號停車場見過好多次，頂多都只係坐滿

其實而家咁樣，每一程（東涌->機場／機場->東涌）都只係多大約 3-5 分鐘
而咁樣搭得既乘客通常都唔會趕得去邊，真正趕時間既客應該搭左的士／機鐵／A車，要咁搭既多數都係價錢至上、唔志在時間既客
而家咁樣既走線已經算滿足到各方需求

S1東涌站去客運大樓唔順燈都係講緊10分鐘車程啫,20分鐘都差唔多一轉返到東涌站啦

AP149 發表於 2017-3-5 10:47
S1東涌站去客運大樓唔順燈都係講緊10分鐘車程啫,20分鐘都差唔多一轉返到東涌站啦
...

唔兜點推班客上A線？
其實開條A1收$5都可以

都唔講A，剩係E線計都令巴士公司無意願同你做大S 線市場
另外S1聯營亦係重組嘅制肘

Choi 發表於 2017-3-5 10:54
唔兜點推班客上A線？
其實開條A1收$5都可以

係都跟 X1 收 $5.8 啦

其實我見唔少遊客S1>地鐵/地鐵>S1，
開返幾班S1直通車好過又比幾百萬出黎搞條鐵路啦。
可以開定點班次，班次唔洗太密。
走線直接自然回車快，一車走天涯都仲得。

唔好意思 S56係特快往東涌 基本上S1去S56返(唔計等車時間)已經好快 而且S1受歡迎嘅原因係因為班次密同平 路線又唔係太差 如果又貴又疏車嘅話 就算快都未必多客搭

lwb701 發表於 2017-3-5 13:32
其實我見唔少遊客S1>地鐵/地鐵>S1，
開返幾班S1直通車好過又比幾百萬出黎搞條鐵路啦。
可以開定點班次，班 ...

就係唔想比你咁快去到東涌上地鐵嘛，如果唔係點焗你上機場快線比幾倍價呢？