旺角將建超級天橋，直通四線鐵路

Kaix 發表於 2016-12-31 18:39
香港從來冇將市容景觀、行人感受納入規劃的考慮因素，
全球冇一個地方好似香港咁樣濫建天橋，
天橋在大廈 ...

風馬牛不相及兼自打咀巴
快速公路天橋同埋行人天橋規模已經係兩回事

自打咀巴係，從最短視，分流行人角度睇，
行人隧道同天橋係無分別，一樣將行人由地面帶走佐。

將市中心人流急降歸咎於市中心起橋，
無視城市擴展，居民越住越遠，市中心商廈化等等更重要因素

行人隧道加商舖我唔講有乜技術困難，駛多幾銀先。
地底步行街咪就係你口中，搶走市中心人流大型商場
沿路上的地舖肯肯定更無運行
對於純粹路過的行人，地下街完全不見天日，
無法辨別方向，藝文青說法係感覺唔到城市脈絡，感覺更差

各下提到北美各大市中心高架橋，固然引發好多問題
去避免視覺污染的確係先進地區的趨勢，
尤其是大城市。但擺落地底嘅，首選始終係唔太受日光影響的機器，
鐵路及車輛。較著名有波士頓The big dig同西雅圖Alaskan Way Viaduct Replacement Tunnel
香港最快見到嘅會係中環灣仔繞道，同西九龍總站地下道路系統。
過多若干年仲有T2同中九龍幹線。
行人幾時都係擺最頂層

幾時先會諗將人擺地底呢，
世界各地的地下街大多係地下鐵路附屬產物，
銅鑼灣唔諗天橋而係地下街，正正係同銅鑼灣站有最大關係
尖沙嘴-尖東站兩者都係地底，自然都係諗隧道
但旺角三站高架、地面同地底都有，
行人設施地响邊一層都只係就到是但一個站

天橋都唔一定係咁萬惡，至少地面都不致不見天日。
要做靚D搞綠化，係簡單過响隧道做好多億倍
上面所講幾單本地大型工程附設的行人天橋同園境平台，都會大規模種植物
我唔係話旺角新天橋一定照板煮碗，但按近年經驗，
盆栽點都唔會少

jpoon 發表於 2017-1-5 17:07
地鐵站始終容量有限，尤其中間一大個範圍係收費區，側邊通道唔夠闊，而現時來往地鐵站同天橋嘅通道亦只有 ...

個人估計，亞皆老街過彌敦道行人天橋，
最有可能同旺角道過彌敦道段相若，
而位於十字路口四角的旺角站出口，
需要改建為天橋橋躉及車站出口一體結構

s3n370 發表於 2017-1-5 22:57
風馬牛不相及兼自打咀巴
快速公路天橋同埋行人天橋規模已經係兩回事

行人天橋與周邊建築物既連接都要設計恰當先至有用。
如果天真地以為只靠地面連接地面就一定work既話肯定未必正確啦。
加上若果下面條馬路唔夠繁忙行人直接橫過馬路唔太困難既話果條行人天橋最差既情況就會淪為廢物，甚至俾堆露宿者封路添。

paul2357paul 發表於 2017-1-7 00:58
行人天橋與周邊建築物既連接都要設計恰當先至有用。
如果天真地以為只靠地面連接地面就一定work既話肯定 ...

唔該睇清楚，起橋果度係人多車多的旺角，而唔係沙頭角
只要睇番現成旺角道行人天橋人流，
亞皆老街天橋點衰，都唔會鬼影都無隻
況且仲有預留位連入大廈，呢樣係好過旺角道行人天橋

夠多人用，除佐旺角迫到痴線，純粹路過的行人好大誘因上橋外
落成後取消佐部份行人過路燈，焗行人用天橋過馬路亦係重點
幾乎可以肯定亞皆老街天橋一起好，主要路口的行人過路燈可以減得就減


個人好有理由相信，減行人過路處唔係副產品咁簡單，而係主菜之一
減完行人過路燈，就可提升亞皆老街幾個路口車容量
有望略為舒緩交通擠塞

s3n370 發表於 2017-1-6 00:27
個人估計，亞皆老街過彌敦道行人天橋，
最有可能同旺角道過彌敦道段相若，
而位於十字路口四角的旺角站出 ...

其實唔只四隻角咁簡單，唔好忘記旺角站仲有條隧道駁入朗豪坊（C3出口），同埋彌敦道底旺角站上面C、D出口之間仲有條行人隧道，D3出口隧道又貼住惠豐中心咁起
自己睇下旺角站街道圖研究下啦
http://www.mtr.com.hk/archive/ch/services/maps/mok.pdf

s3n370 發表於 2017-1-7 01:27
唔該睇清楚，起橋果度係人多車多的旺角，而唔係沙頭角
只要睇番現成旺角道行人天橋人流，
亞皆老街天橋點 ...

其實有冇人知橫過亞皆老街同彌敦道係可以用地鐵站出口？
n年前真係有指示牌叫人「請使用隧道橫過彌敦道」嘅，如果天橋係掂嘅，咁當年隧道都應該吸引到人用啦，夠薑嘅直頭封晒行人過路燈局D人用隧道囉

其實亞皆老街／彌敦道路口行人過路處的三組龍門架有甚麼用途？

Hongkonger 發表於 2017-1-8 13:11
其實亞皆老街／彌敦道路口行人過路處的三組龍門架有甚麼用途？

叫行人跟紅綠燈小心過馬路

jpoon 發表於 2017-1-8 04:14
其實有冇人知橫過亞皆老街同彌敦道係可以用地鐵站出口？
n年前真係有指示牌叫人「請使用隧道橫過彌敦道」 ...

大把地方起完天橋，就隨即取消地面行過路處
（之後再加番係後話）
唔講遠，旺角道行人天橋一落成，就取消佐彌敦道南行線旁，橫過旺角道的行人過路處所有行人唔係要上天橋，就係兜遠D
如果亞皆老街天橋起得成，取消行人過路處又有乜出奇？


再講，攞CD出口之間的隧道完全沒可比性
E出口果面無行人過路處，己經人山人海
再者，CD出口往地面出口全部係樓梯，吸引力當然欠奉
但新建行人天橋/隧道一定有升降機
如果用旺角道果面做藍本，仲好大機會整扶手電梯
咁己經唔同講法

jpoon 發表於 2017-1-8 04:11
其實唔只四隻角咁簡單，唔好忘記旺角站仲有條隧道駁入朗豪坊（C3出口），同埋彌敦道底旺角站上面C、D出口 ...

唔係好明你想講乜
我意思係，彌敦道同亞皆老街交界果四隻角肯定會整天橋落腳點
而呢個位地面地底都俾地鐵出口霸哂咁滯
唔同埋地鐵出口一併諗改建，小弟都諗唔到呢個位可以點整天橋落腳點
唔整落腳點，呢條天橋至少廢佐一半功用

唔知閣下有乜高見？