民主黨區議員(柴議員)被澳門當局拒絕入境

原帖由 venetian 於 2009-12-22 11:17 發表

你這種就是澳門人最厭惡、反感的一類香港反派啦。被拒入境事件自己講唔出道理，就去捉其他問題去數。兩者不相干，刻意轉移視線抨擊，這根本沒有意義。 ...

我講一句野你就已經知我係最厭惡、反感果類反派... 果然犀利~~~

入境問題, 個個地方都有規定, 不過呢班人入到內地境 (仲要係北京) 而入唔到葡京真係嗔嗔稱奇~~~!!
香港有冇問題??? 香港傳媒對待一D入唔到境既人有冇出聲???
今年六四前夕, 好多人因為佢 "同六四有D關係" 而入唔到境我地都大大聲鬧政府;
當年香港政府唔批馬英九簽證我地一樣大大聲鬧佢~
拒絕內地孕婦來港產子, 同樣地有人鬧佢係漠視人權、好人當賊辦、寧枉無縱~!
有次有個台灣政壇中人響某些政制論壇上發表自己意見, 林瑞麟(香港官員)叫人唔好指指點點, 一樣俾人鬧到趴響度...
更重要既係, 呢D野係衰咗既, 我又唔見得香港人好介意俾"外人"話咁囉......

至於你話我"兩者不相干，刻意轉移視線抨擊，這根本沒有意義。"
有冇意義呢, 其實就真係冇乜, 但我好有興趣知道你咁犀利又咁理直氣壯, 睇下你會唔會向澳門政府反映呢D相信不少澳門人都關心既問題~~~
同埋又睇下你同唔同意, 我提果幾點中, 果D "對澳門有一絲影響" 既人, 都唔應該俾佢地入境JE~~~
又當然, 你可以冇興趣話我知既...~

[ 本帖最後由 monkey_bsw 於 2009-12-23 00:37 編輯 ]

原帖由 wilsonli321 於 2009-12-22 23:09 發表

唉,我自己係香港人都覺得醜,
有d野無謂要人畫公仔畫出腸啦
唔講出黎唔一定係因為澳方沒有理由
唔講出黎原因可以有好多,
有可能係理由涉及機密的,唔可以講
亦有可能係澳方俾返幾分最後尊嚴港方,講出黎盞港方冇面
邊有人咁樣抓爛塊面問到篤架?

呢個我真係唔多同意...
人地拒絕香港人入境, 連明報記者都拒絕埋, 你覺得有D "國家機密" 野?????
唔會係明報記者煽動叛亂、陰謀顛覆國家啩?????
仲有區區一個民主黨區議員, 唔通係連結外國勢力, 入澳門攞料?????

然後你仲要認為咁係 "俾番幾分尊嚴香港" ?????

如果要我相信上面果D, 我覺得 "政治審查" / "洗太平地" 會係較為可信囉......

原帖由 venetian 於 2009-12-22 19:44 發表

一個政府保護自己地區人民，拒絕有生事可能的外來人士，絕不是弱小行為。相比香港之前舉行WTO部長級會議，批准韓國示威者來港，但最終令市面大混亂，以「拘捕」、「檢控」結束事件，這又如何。 ...

我反而想知....... 你覺得 "以拘捕、檢控結束" 又如何???
個會開得成, 示威既人示得成, 呢單野好似香港既 "國際聲譽" 係有增無減...
因為我地保護到示威既人既權利 (當然有人認為對韓農出果D招唔多有人權, 例如唔俾人痾尿), 而又冇影響到會內既情況~

咁... "以拘捕、檢控結束" 又如何???

原帖由 venetian 於 2009-12-22 22:46 發表

一個遊客身份人士入境犯法，天下都會有，但是，作為一個政府，有責任將此情況減至最低，而澳門政府，正正在做此事！

澳門人好多人心目中，香港媒體及議員是來侵犯澳門，將澳門視為自己一個離島，自出自入，被拒進入就找東西來抨擊。澳門有自己本身的法制，不可能要澳門全盤接受香港一套。而香港亦一定不會沒有原因的拒絕一個人入境，只是香港媒體沒有報導。

原來採訪、旅遊、學術交流、遊行、示威、請願, 在澳門都是"犯法"的......
咁都係唔好抨擊咁多~

另外, 香港媒體對於有人唔能夠成功入境, 都係會報導的~~~