［集中討論］新式閘機啟用消息

kei_hk 發表於 2023-8-3 16:34
就係每多一樣硬件﹐出問題的機會及保養成本就自然增加。
所以磁帶車票年代﹐已經不是所有閘機都可以用車票 ...

我記得以前網上有段片係講JR不停甘研究插車票入閘機既速度,去加快人流既速度,(加快速度係以0.0幾秒去計)未知港鐵會吾會學下人地！

HU6455 發表於 2023-8-3 21:42
我記得以前網上有段片係講JR不停甘研究插車票入閘機既速度,去加快人流既速度,(加快速度係以0.0幾秒去計) ...

想達到最高處理人流效率﹐唔理閘機處理車票的速度﹐一定係人貼人。

以現今香港的環境﹐一係就唔想跟貼前面的一個人﹐一係就係慢慢磨袋。


磨袋就不用多講﹐真係人的問題﹐閘機點改都無用。


閘門式的閘機﹐係可以不停有人過的﹐無需等閘門關閉才可以拍卡/插車票的。
通常都有人會等關回閘門﹐才會拍卡過閘門。

但係唔跟貼前面﹐就要想想係什麼原因了。
1. 佢地根本唔知﹐係可以緊接通過﹐無需等閘門關閉。
2. 心理上唔想同其他人太接近﹐特別疫情之後。
3. 怕前面係磨袋﹐所以同前面保持多少少距離﹐令到自己幾快都好﹐閘門都會關閉。
4. 知道係可以連續通過﹐但怕閘機感應有問題﹐在通過時會突然關閘﹐多數係家長叫小朋友這樣做/有行李BB車...。

成日出閘先知，入閘部閘機嘟唔到張卡要去講番邊個站入閘。

好似自從換左用智能車票就有呢個問題。

就算拎埋張卡出嚟，都係可以嘟唔到。

mic4126 發表於 2023-8-4 15:22
成日出閘先知，入閘部閘機嘟唔到張卡要去講番邊個站入閘。

好似自從換左用智能車票就有呢個問題。

好似係某款閘門式閘機幾常發生﹐一定要自己睇mon﹐睇下是否已經確認可入閘。

出事主因係閘門未關/無關﹐用家就拍卡(包括車票及八達通卡)﹐但唔知用家太快手定係部機突然痴呆﹐未完成處理入閘確認﹐用家誤以為已經OK行左入閘。

kei_hk 發表於 2023-8-4 15:30
好似係某款閘門式閘機幾常發生﹐一定要自己睇mon﹐睇下是否已經確認可入閘。

出事主因係閘門未關/無關﹐ ...

所以好難怪用家等到閂閘先拍卡

仲有一樣嘢就係部份閘機經常出現感應唔到或者紅色大交叉，要即刻轉去隔籬個部都會影響人流

s20131417 發表於 2023-8-5 14:56
題外話，
話說小弟日前試過喺沙田站出閘，
第一次拍卡無正常開閘（九鐵款Thales闊閘機），

我都試過，可能第一次拍卡其實已經寫咗出閘紀錄但不知何故無開閘，所以轉去其他機再拍都唔會開閘，要搵職員搞

clivetock 發表於 2023-8-5 11:38
所以好難怪用家等到閂閘先拍卡

仲有一樣嘢就係部份閘機經常出現感應唔到或者紅色大交叉，要即刻轉去隔籬 ...

而家有啲機，每個乘客拍咗卡出閘，之後行出去嘅時候，成日都「嘟嘟」聲， 螢幕顯示有問題， 搞到啲人走曬去另一部機