尖山隧道通車8年僅4巴士線全日服務 車流量低獅隧...

typhoon_york 發表於 2016-10-29 19:07
一日冇T4路，馬鞍山上青沙點都唔會快

只是朝早麻煩d, 其他時間唔塞車, 一定用獅隧公路, 紅梅谷路上返青沙。回程就簡單, 一定是顯田出上獅隧公路直去馬鞍山。

早幾日有人試過揸車在放工時間6點幾由葵榮路(葵興邨對面)經青沙,紅梅谷路及獅隧公路返馬鞍山利安, 車程都是20 mins。如果用巴士行, 我估差不多時間去到亞公角街/ 恆耀, 點都好過搭40X。

Snowbb 發表於 2016-10-29 09:32
如果返沙田方向一定要行青山道 , 咁就無得行尖山 , 因為青山道個方向同尖山完全相反
不過個人仍然認為 86 ...

其實無話一定要咁行...但要好似286X咁反向行...
就一定要成堆86系甚至72都推出去行同一方向, 咁先逼到我地行出去搭車~
你拎轉個角度...而家開條大西北但行完青山道先上老龍, 咁行一樣唔慢...但青山道入面班人都係唔會留係內街等呢架車...

而講到行唔行埋欽洲街既問題...而家會咁行再上返南昌街既實際上得2F同86C~
但呢兩條線班次都唔太以準時聞名, 尤其以等2F同埋係南昌街等車計~
行落去確實係會多左客, 我亦一D都唔抗拒86行埋落去先入SKM...
但要有心理準備車程真係會長左截, 同埋假日塞車起黎真係有線無車坐...
要知道近年青山道同長沙灣道係假日大塞既頻率係密左的~

86改行尖山, 比較理想既係做好埋沙田區既覆蓋配套會好D~
始終單單改行尖山, 改變唔到86呢條線本身有既問題, 而只係純粹改道~

ChungLam 發表於 2016-10-30 00:21
巴士公司同運輸署根本冇需要急於改線，
就深水埗區內地理位置而言，獅隧/大埔道主要服務深水埗東一帶客源， ...

同意...南昌果邊起樓起得好快...應該兩三年內入到伙~
以奧運+南昌+4小海麗一帶...「加」一兩條新線上尖山應該都符合客源走向...
始終奧運南昌一帶入沙田, 尖山真係好到絕~

其實以整個中西九龍去睇...長沙灣道同埋NATHAN係岩岩將適合行尖山與獅隧既線斬開左兩邊...
而咁岩適合尖山果邊大部分都仲發展緊...而家唔夠車流/路線係正常的

ahken 發表於 2016-10-30 19:19
基本上想尖山多人用, 出黎果D燈位真係要諗計KO左佢, 否則贏頭蝕尾真係冇乜人賣帳的

...

係就係...不過實際上好難KO...
本身尖山落黎九龍呢邊, 全部都係新發展區...
而新發展區既燈位都有共通性...就係盞盞都長命燈, 就算燈位唔密, 等新區一盞燈既時間隨時係舊區既兩三盞燈...
所以用新路入舊區好多時都無JETSO...尖山比較要睇既係未來九龍填海區呢邊既發展~
同埋中九龍幹線會唔會吸到客過黎, 不過呢兩樣野都唔會係未來三五年就見到成效既野~