War game一問 + 一個過份case

尋日同朋友入元朗玩war game
初初玩真係唔知頭唔知路
有好多規舉都唔識
所以有d 野想問：

1. 其實如果行近敵人
敵人又唔發現你
係咪只需要講"bingo"就當「殺」左敵人
同時亦唔可以開槍既呢？

2. 如果俾自己一隊既人射中
係咪一樣當「死」呢？

問完之後
我想講番尋日我響玩war game果陣
發生既一件不愉快事件...

話說我一個朋友
就係因為1既case
但係佢可能心急得滯
結果想講「bingo」就講錯左「死」
於是佢個target就響見到佢之後
就冇攻擊佢r
跟住我朋友解釋番
但係呢個人仍然不滿
結果我個friend最終話就當兩個都「死」左...
之後我都聽見呢個人不斷為呢件事而響度嘈生哂
但當時我唔知當時人就係我朋友...

之後我地再玩下一局
呢局我一早「死」左返安全區
後來我呢個朋友又係「死」左返黎
不過當時我見到佢都嚇左一跳
因為佢兩隻手同塊面
俾槍打到流哂血！

原來佢正話又遇番果個人
之後大家近距離爆發槍戰
結果我個friend率先投降
但呢個人響我個friend話「死」之後
仍然不斷開槍打我個friend
完全係當我個friend講野冇到！

結果我朋友趁佢返黎之後同佢理論
但呢個人態度極惡劣
亦唔肯認錯
於是我果班既一個人睇唔過眼
就同佢理論
仲爭d 大打出手！
好在雙方都有人阻止更不愉快事件發生

最終果個人仍然唔肯同我個朋友道歉
不過佢就好「正義」咁「話」同我個朋友講和...

老實講句
初初係我既朋友講既野令佢誤會
我朋友係有責任
但佢又使唔使咁樣玩報復呢？

歡迎討論