[討論] 客貨分家

的士車主/ 司機近月經常提出要求畫清害貨車與的士之間的功用及權責，並要求政府修例立法客貨分家，但以我近月來所見，的士司機/ 車主根本就有自打咀巴之嫌﹗近來特別留意違例的士，發覺經常有的士將車尾箱裝得滿滿的，而且尾箱門不能關上，行車時上下動，極之危險。更甚的，甚至將尾箱門大開，根本從後方不能看到有關車牌，因為車牌在大開尾箱門時是向天的﹗以下數張相，就要我昨天中午時在黃埔花園所拍的。圖中的的士是我在這個多月來見到共中一部最經典的一例。






相片中穿黃色 POLO 恤、牛仔褲的為的士司機。因三名乘客共攜帶六個行李喼上車。的士司機先指示乘客將行李放在車尾箱。但因行李太大，所以放了兩個，就已經不能再放了。於是司機再指示乘客將多出的四個行李喼放在車頭乘客座位。原本前座放上了三個行李喼，但因乘客恐怕最頂的一個會在行車時向後傾，所以最後決定前座只放兩個行李喼，另餘下的兩個，則分別由其中兩名乘客手持，後於後座。

以我所見，前座所放的兩個行李喼，根本已經完全阻礙司機察看左方倒後鏡了。最後的士開出，開出時，估計因司機不能察看左方倒後鏡，差點與後來的一部 M.Benz ML350 碰撞。

貨客分家，本是畫清客貨車及的士的一個好界線，但客貨車畢竟是客貨車，載客載貨才是正常，反而的士則是計程私家車，以載客為主，手提行李或一兩件大件行李按章收費還可接受，但如果如上文所提的載貨方法，或者其他網友在別的討論區所貼圖所見，車尾箱門大開，在尾箱放下八大箱紙箱的話，真的不能接受。的士就是的士，客貨車就要客貨車，只要客貨車的『客』是連『貨』的登車，姑勿論『貨』是甚麼，都不能作出任何投訴。反觀的士，如果要數違規的，比比皆是。衝燈、八折、拒載等，都比客貨車來得多﹗與其的士司機想針對客貨車，指其搶去部份客人，不如先反觀自己同行吧﹗或者，在一些區域，紅色及綠色小巴更搶去全部的士的中短途客，為何的士司機又不針對小巴進行投訴及示威？難道的士牌費百多萬，客貨車牌費四千多元，就是可以好讓的士欺付？小巴的幾百萬牌費就是強權？這不毫就是欺善怕惡？﹗

我並非客貨車司機，也不是的士司機，只是一個普通的道路使用者。但對於近月的士車主/ 司機的行動，不得不令我要書一文在抒發一下。

歡迎討論、跟相及轉載‧plaxtonl

[ 本帖最後由 FX8173 於 2006-5-1 19:29 編輯 ]

今日坐的士先遇到個寸既的士佬
好心問佢度門閂好未,一時又話閂好,一時又話閂唔好,玩野乎?
人地話去黑布街,佢又話塞車...

佢停車既位置已經可以罰錢喇

一直以來,的士不嬲都係咁載,
一係就叫兩架的士.
睇唔到左鏡會不會犯法,我就唔知.

原帖由 KV9033 於 2006-5-1 22:19 發表
一直以來,的士不嬲都係咁載,
一係就叫兩架的士.
睇唔到左鏡會不會犯法,我就唔知.

其實咁已經叫超載，告得﹗
而睇唔到左鏡，以佢架車o黎講唔會犯法，因為佢仲有右鏡同車內中鏡﹗法例係要求最少有兩塊可後視o既後視鏡﹗但係司機咁渣法的確係危險~

原帖由 FX8173 於 2006-5-1 22:39 發表


其實咁已經叫超載，告得﹗
而睇唔到左鏡，以佢洵動\仲有右鏡同車內中鏡﹗法例係要求最少有兩塊可後視o既後視鏡﹗但係司機咁渣法的確係危險~

好似貨物係唔可以高過車窗
所以客貨車中排唔可以貨到咁高
e個都係交通部高頂警車尾排無窗其中一個原因

Everywhere in the world, there are taxi that cather the need of passenger that need extra space, except HK.

其實香港岩唔岩用BINZ既VITO做的士呢?又舒服又放得多行李

原帖由 NEO_962 於 2006-5-2 23:04 發表
其實香港岩唔岩用BINZ既VITO做的士呢?又舒服又放得多行李

就是因為Vito不是石仔,出唔到牌

不過...我知遲下會有架特別的的士來港,似曾相識,等著瞧吧!