新渡輪大船第4層有咩用?

又上唔到去又細其實個層有咩用?

原帖由 F-15E 於 2015-4-10 12:43 AM 發表
又上唔到去又細其實個層有咩用?

自油記年代﹐都係一個無開放的vip房﹐實際最大用途估計都係供船員放雜物俱多。


好似...... 曾經有人/公司包船﹐係可以上去這間vip房﹐仲可以到船頂曬太陽(vip房後面一小部份)。

唔知邊隻個度係擺上下格床。

印象中係曾經開放過,不過係做展覽,有獨立冷氣機,感覺都幾特別
唔開放我估係安全理由

原帖由 JX7348 於 2015-4-11 09:46 AM 發表
印象中係曾經開放過,不過係做展覽,有獨立冷氣機,感覺都幾特別
唔開放我估係安全理由

我估主因都唔係安全理由﹐而係這間vip 房的「定位」問題。


如果只係當普通的豪華位﹐你又整間房出來﹐咪即係豪華位之中的豪華位﹐原則上應該可以再加多一個收費架構。
(多年來我都未聽過政府肯開多一個收費級別出來)

如果唔加多個豪華級別﹐又輪到大家爭房坐﹐做成一個管理上的混亂。
(要知道油記年代﹐出入離島仲有唔少係鵝旦三層說﹐真係有機會令到班客有混亂/失望)


另外﹐開放埋這一層﹐船上人手安排又是否需要增加? 話晒都算係「一層」﹐點都要派個人去 "睇場"。
(這點可以歸納在你所講的安全﹐但人手成本上都係船公司考慮之內﹐只要有派人長駐便無這個安全問題)


真正的安全問題﹐最多咪係上落樓梯﹐或者企/坐唔穩撞傷﹐基本上在船上任何一個地方都有機會發生﹐第三者責任保險係可以包埋﹐船公司責任好低。