愚問:"對號入座"是點解?

有板友話,討論時勿"對號入座"....."對號入座"是指點解?
小弟不明白,請希望板友幫手解一解.

最簡單咁講，
即係唔好以為人地係講緊你
或自認人地所講緊既人就係你。

有錯請指正

呢句話即係話一d 人講緊某d 野
而另一人聽到卻以為人地講緊自己
於是急於搶白澄清
呢d 就稱為「對號入座」喇

通常呢d 人係以前曾經做過某種唔好既野
或者有一d 唔好既性格
所以凡有人講番相關既野
佢地都會心虛
以為人地講緊自己
於是就急於同對方解釋
例如一個以前經常去廁所唔沖廁既人
有一日另一人問：「邊個又去完廁所唔沖廁呀？」
雖則呢一次可能係唔關果個人既事
但佢就可能覺得
問果個人一定會以為係佢又冇沖廁
所以呢次佢就急於話：「呢次唔關我事呀？」
結果就換黎對方一句：「我有話係你咩？唔好對號入座啦！」

咁講你明唔明呢？

舉例(真係純粹舉例，希望樓主明白)：樓主本身係馬鞍山人，對區內交通問題尤為熱心，
有一日係b2板見到一篇咁既文：

「我都唔明點解馬鞍山既巴迷咁鍾意研究d人喜愛巴士唔喜愛鐵路，三日唔埋出幾篇文，
真係你唔厭我都煩.......」

樓主一睇到就即刻入去講一大堆自己唔係咁既意思乜乜物物，是之為「對號入座」喇。

要注意一點，有時原文者可能真係要話果d對號入座既人，但為免指名道姓會引發好大既
衝突，有時係特登唔講明乜人，到當時人對號入座黎對質時，出文既人就大可以以當時
人太敏感為由而「甩身」。[當然，最後結果就要睇兩人本身既料子如何喇。冇咁上下料
子既，就唔好學人玩高深喇。]

明白了,多謝各板友指教

[ 本帖最後由 daiteioh 於 2006-4-25 18:21 編輯 ]

原帖由 daiteioh 於 2006-4-25 05:19 PM 發表
明白了,多謝各板友指正

是「指教」，不是「指正」~