早繁過後 何文田往鰂魚涌站

我想問下，最快嘅方法係咩呢？1.去九碼撘船轉85?
2.去土瓜灣撘116?
3.撘車去紅隧口轉112行上山?
4.撘鐵?
定還是有其他辦法?(請提供時間，謝謝)

17 牛頭角轉鐵

搭船紅磡近D?   上岸轉82 (85不入北角碼頭，深夜除外)

個人覺得
搭車落紅磡站轉巴士相對直接（不用行太多路及轉太多次車）
而且隧道口有幾條線（102、106、116）選擇

==
搭船唔係唔得
但幾轉折下

何文田落紅磡碼頭好像較難
所以可以搭28M落偉恆昌，行去九龍城碼頭搭船
萬一走左船，出返土瓜灣道都仲有106

假如是過左中午就易少少
搭黃埔穿梭巴可以去到紅磡碼頭（因為現時起某延線而搬左站）


但是過到北角仍要轉多一程車
不論是碼頭的82
還是電車路幾條巴士線、電車、mtr
時間上都很難有競爭力
（除非你是去柴灣、小西灣）

==

[ 本帖最後由 avianwind 於 2014-11-13 10:37 編輯 ]

正常落旺角搭鐵經金鐘已經夠快.

不過落紅磡站搭112都唔錯, 特別係現時一出紅隧就係維園, 102 106 116都一樣. 112總站落車唔夠其餘三線英皇道落車快, 而且百福道行去模範里唔知做乜, 鰂魚涌站唔係山上面.

17九龍灣轉比牛頭角轉近啲, 但以車費計就係牛頭角平啲.

紅磡往北角船程8分鐘, 但由何文田到紅碼的時間控制較難掌握, 過到海可以行番出去搭電車或港鐵, 碼頭一行出渣華道就有港鐵站入口, 或沿書局街一直行出英皇道有電車站.

何文田行去紅磡碼頭，自己較易掌握。但樓主未有指明只能 公交駁公交，還是有不同選擇，所以用較易掌握的方法，就用步行，若果清楚 7B 班次，可以去坐巴士落紅磡碼頭駁船。

紅磡碼頭後往鰂魚涌站，若只看地圖則會以為該站在山上，實際上，坐鐵到該帶十分費時，因為地車落車後要步行約八分鐘才能返回陽間。

若果一程車計，經佛光街去坐116 或 106 較佳。

去土瓜灣坐116 已經相當ok

因為116 而家行維園出
車程起碼快左5-10 分鐘
土瓜灣上車到鰂魚都係25-30分左右
(如不大塞車)