麥記的21蚊餐調整

原帖由 dennislokawai 於 2014-2-7 03:27 PM 發表
我反而係諗會唔會同佢難包有關。
以往要整一個魚柳包，
要由包面整起，先落醬，再落肉，
最後落埋芝士同放番個包底，
再成個拎去包。
由於魚柳包係蒸包，所以個包係好淋，
只可太力少少都會令到個包面凹咗，
或者包既時候令到個包兩 ...

魚包以前都用紙包的﹐而且都用了一段相當長的時間﹐所以保持包形美觀等因素﹐應該不是用盒的原因。

原帖由 OTIS401 於 2014-2-7 14:19 發表
我係完全唔明白，點解魚柳bell要改用盒黎裝

以前用紙包住咪好地地，宜家用盒黎裝搞到成手都係醬
個盒大但個bell又細，根本就係小題大造

好似係出$20餐就改用盒，果次好明顯係因為個包由果時開始縮水，要用盒嚟遮醜…講真…6粒麥樂雞個盒都可以放得落個魚柳包！

原帖由 dennislokawai 於 2014-2-7 15:27 發表
我反而係諗會唔會同佢難包有關。
以往要整一個魚柳包，
要由包面整起，先落醬，再落肉，
最後落埋芝士同放番個包底，
再成個拎去包。
由於魚柳包係蒸包，所以個包係好淋，
只可太力少少都會令到個包面凹咗，
或者包既時候令到個包兩 ...

見過廚房用盒最 hea 嘅包法
盒蓋放包面，盒底放包底
跟住包面落醬，包底落芝士
之後放埋塊魚柳喺包面

跟住合埋盒，飛出去，就搞掂
但問題就係個包明顯地移位，好多時塊芝士會飛埋一邊

不過呢個問題近年已經少見

原帖由 dennislokawai 於 2014-2-7 01:06 PM 發表

除非員工貪快，麥記既炸爐係有晒每樣野炸既時間同爐溫，只要按一下制就得，
炸到夠鐘就會響提你拎上來，所以炸唔透既機會好微，反而放得耐既機會會太好多。

不過你話退番個袋佢，除非佢未放落去，或者未放上counter，否則佢地都會 ...

其實香港仲有無分店行預製？
海洋公園？
新都會廣場？

其實唔少分店都係受唔住龐大銷量，繁忙時間一樣都係預製。
長沙灣廣場中午時段、粉嶺名都早餐時段通通都係一大堆整定晒擺晒響出餐處等人攞，連飲品都一樣大堆已經斟好。

原帖由 toyl 於 2014-2-10 00:04 發表
其實唔少分店都係受唔住龐大銷量，繁忙時間一樣都係預製。
長沙灣廣場中午時段、粉嶺名都早餐時段通通都係一大堆整定晒擺晒響出餐處等人攞，連飲品都一樣大堆已經斟好。 ...

有傳有分店唔會預製太多, 例如九龍灣工業中心果間(呢間個門面無招牌的, 入口更加是在大廈內), 佢本身假日人流不多, 若果有人突然入黎整個大柯打, 就要等好耐(上次因為咁等左4個字)

原帖由 gordon 於 2014-2-11 01:37 PM 發表
有傳有分店唔會預製太多, 例如九龍灣工業中心果間(呢間個門面無招牌的, 入口更加是在大廈內), 佢本身假日人流不多, 若果有人突然入黎整個大柯打, 就要等好耐(上次因為咁等左4個字) ...

有少少智慧﹐都識得做一個預計﹐估算需求量的﹐在適當時間預備一批貨﹐去到peak hour中後段時間﹐便開始減少預先製作﹐減少積存。

點去預算做定幾多包?
一個好簡單的方法﹐便是看過去的銷售統計資料。而預製包亦唔需要預備足100%的需求﹐大約50-70%已經足夠﹐因為唔夠的可以即製﹐只需應付peak hour(lunch hour) 最初的十多分鐘已經足夠。
只要不是非打風/大風大雨﹐長假期前後等因素﹐基本上都好準的。

大家，包括我，都起度幫緊 M 記賣廣告