每部車都該有的--行車證

先貼兩張仿照《再見藍戰士 中巴紀念圖輯》入面嘅SF相：


唔知大家有冇發現部車多咗啲嘢？就係多咗張行車證：
SF9：

SF10：

可能有人會話：「唓，行車證咪只不過係幾塊faces再加張texture，有咩特別呀？」
當然有！
首先，張行車證絕無「朦」混過關嘅意圖，反而每隻字都清晰可見，而且係同部車相對應--唔同嘅車，有唔同嘅車隊編號、唔同嘅車牌號碼，當然亦有唔同嘅底盤編號、(可能)唔同嘅首次登記日期、牌照發出日、牌照到期日同出廠年份。
今次我用嘅方法，唔再係好似車牌同車隊編號咁一齊放入registrations.org度，而係獨立用script同constfile.txt generate一條string出嚟。因為要包含咁多資料，今次嘅string operation比起上次(手動價錢牌)更為複雜(但我相信仍比報站機簡單)。
比較兩張行車證，相信大家都發現除咗上述嘅資料之外，「類別」(CMB vs NWFB)同「顏色」(BLUE vs ORANGE)兩欄都有分別。呢一個分別，可以由部車個repaint嘅.cti決定--部車有個variable叫NWFB，等於1嘅話就會由CMB同BLUE變成NWFB同ORANGE。
當然，我亦不忘加入隨機性--兩張行車證嘅傾斜角度都係隨機決定。

不過比較可惜嘅係，由於資料不足，牌照到期日同牌照發出日都係根據OMSI入面個日期而決定，同現實有分別。另一個問題就係，我完全唔清楚右上角、左下角同埋車牌號碼右邊嘅數/字係點樣嚟，所以暫時只能fix喺張texture上面。而我亦相信，90年代嘅行車證同今日嘅行車證一定有唔少分別，但我完全唔清楚。
所以，不才希望各位師兄可以不吝賜教。

最後加一句：玩OMSI可以唔認真，但整mod嘅時候就要盡可能認真、注重細節。

多謝點閱，歡迎任何意見。