關於巴士迷跟車瘀事

今日下午搭286x番沙田,坐架有導航位巴士,有位類似巴士迷坐隔離,因線新關係,
好多人都要睇路線圖落車,去到大圍,有位阿叔上車,拎住2袋野係大圍上車問架車係唔係去雲疊,
司機話係佢就比錢,之後行左2秒,就話搭錯上落車,架車明明係經雲疊,原來果位阿叔係去名門果邊既雲疊,
不過佢上車無講明.

呢個時候果位阿巴迷,就係到講,係乜乜站落啦...........個阿叔就發脾氣,話你唔識唔好亂講啦,
巴迷就繼續叫佢乜乜站落啦,司機就話我唔知你名門喎,比番錢你啦,阿叔話我無錢咩,我落車搭小巴得啦.
但問題佢就繼續同個巴迷人仕講唔好亂點,我都幾同意個阿叔,我想話坐車睇下迷算啦,人地又無問你,
搭乜咀呢,教錯人又累司機比人投訴,好過癮嗎,路過留言.

樓主應該唔係話巴迷回應態度有問題, 其實幫下人又冇所謂, 如果阿叔上車前問清楚,
就唔會發生咁o既事, 之後信個巴迷又冇死, 司機亦已經想補救.

樓主又只係話該巴迷指可以在乜乜站落車, 其實呢個"乜乜站"除非唔係隆亨邨或顯耀邨,
否則又冇錯喎, 兩個站都去到雲疊花園近名城果頭, 冇問題, 仲可以幫阿叔慳返小巴錢.

有時唔係巴唔巴迷, 以一個普通市民來講, 幫下人(尤其老弱婦孺)係好應該, 差在對方領唔領情.

[ 本帖最後由 EX-TL 於 2012-12-8 21:12 編輯 ]