[步行方法] 筲箕灣巴士總站 至 柴灣常安街

時間不確定, 大約係星期六, 日或公眾假期 中午12時以後
筲箕灣出發 (其實不一定係巴總出發, 總之電車路柴灣道前)
終點係柴灣區的常安街

最想問的係請問除左真係要行長命斜之外
係無其他方法步行過去?
沿海有無路可以由海防博物館附近行入柴灣區?
(當然不考慮危行東廊,但係小弟試過坐85時見有人行東廊邊陲)

另外,如果循例行長命斜上,到落斜果陣
經番全程長命斜落去常安街好定係經東區醫院+樓梯好?

謝謝回答^^

印象中行人路去到博物館就完
若果唔行東廊應該冇路過去
似乎行長命斜係比較可行辦法

印象中阿公岩海旁未有行人路通過, 柴灣道應該係現有比較確實而且安全的路徑,
而且按路線量度, 就算東區走廊有行人路, 路程亦未必最短, 因為筲總至海防博物館一段係北行,
然後向南行, 比行柴灣道一直向東南行肯定較長, 但當然冇柴斜咁斜.

至於行柴灣道, 柴灣坳至常安街一段, 如以直線量度, 行樂民道, 祥民道經樓梯落柴灣公園,
穿過翠灣邨, 永泰道行過去o既路程應該係最短.