中午前落波打工仔要兩個鐘頭內返工的規定

我就覺得呢個規定好白痴，平日就推廣彈性上班時間，打完風後通街塌樹封路就叫打工仔兩個鐘頭內返工，唸呢個規定的人係未本身唔使返工的？

咁我呢d住所離公司遠的即係下下都要八號波除之前一個鐘返工，先可以防止遇上塞人？

本文在HKBF同時討論（本人在該地為GZG50)

以前翻工都係一個距離內，遠都唔做啦....今日係唔得架啦！不過明知自己遠，就同老世講....

接受既當然無問題，有齊合理解釋都唔接受既只能說老實黑心囉

其實天文台都計準左，10點就10點出，大部份人可以用放飯時間走多D位.......

當然唔排除有D西九公司打風模式無放飯，咁既工就做黎把鬼

呢啲係商界攞到盡,成日話停工造成幾多億元損失
之理由,鄰近城市係會宣佈全日停工停課。就今次
颱風而言,你認為天文台落八掛三真係純粹出於科學
數據？如果港鐵仍有未能通車的路段呢？就算24號當日
用巴士上班者,高速公路仍有不少塌樹,部分只係勉強駛過,
次要路段要數日後才通車,而且車來車往工人清理塌樹都好危險。

我上班的公司,最後一名同事係下午三時才回到,已經係上水
的公共屋邨住戶而不是偏遠村落,幸好有較高級主管同佢一同
塞車逾三小時,證明並非故意造成而免罰。