怡中服務工潮帶來的問題

昨天新聞看到部份怡中服務員工不滿底薪偏低、工作時間過長、超時補薪少、甚至在非自願下連續工作超過六天而沒有休息日。

其實根據僱傭條例，凡按運續性合約受僱的僱員，每七天可享有不少於一天休息日：
http://www.stl.org.hk/right/labor_law/employ_rules_4.php

為何怡中方面反指在非自願下連續工作超過六天而沒有休息日是沒有違法呢？
http://hk.news.yahoo.com/13%E5%B ... B%95-220221603.html
http://hk.apple.nextmedia.com/te ... amp;art_id=15741480

[ 本帖最後由 hkaiw 於 2011-10-26 12:42 編輯 ]

申報 : 我無詳細看昨晚電視新聞內容﹐只是大既聽到內容﹐所以下面一段是有機會會講錯野的。


我昨晚聽到電視新聞講﹐員工向勞工處求助﹐但勞工處回覆是指員工自願接受加班﹐所以員工連續工作多天﹐係沒有違例的。

原帖由 kei_hk 於 2011-10-26 15:03 發表
申報 : 我無詳細看昨晚電視新聞內容﹐只是大既聽到內容﹐所以下面一段是有機會會講錯野的。


我昨晚聽到電視新聞講﹐員工向勞工處求助﹐但勞工處回覆是指員工自願接受加班﹐所以員工連續工作多天﹐係沒有違例的。 ...

即係好似某D大律師行/會計師行咁,
嚴格要求員工要準時放工.... 打卡,
之後你好愛公司, 自願入去做天光就唔關佢事？

原帖由 kwyeung 於 2011-10-26 22:51 發表


即係好似某D大律師行/會計師行咁,
嚴格要求員工要準時放工.... 打卡,
之後你好愛公司, 自願入去做天光就唔關佢事？

楂甸個情況唔同律師行.
一個員工幾點返工, 今日接邊幾隻機, 幾點落場, 幾點收工, 全部印晒係更紙上面, 或儲存於電腦內的值勤安排,
楂甸係要逐個鐘計返OT錢比員工, 所以唔可能存在類似律師行工時做假的情況.

我有FD做過及做緊楂甸,
老實講, 錢佢地搵到好多, 因為楂甸長期唔夠人, 所以成日叫員工OT (OT補足錢架, 而且高過正薪!)
如果個員工一個月只放兩日假 (俗稱7日情), 人工可以超過兩萬蚊.
問題係, 員工無得選擇係咪返7日情, 最多你同掃把關係好, 可以私人傾傾佢.
所以, 員工最不滿的, 主要都係想放假唔搵錢但公司都唔比, 因為人手出現問題, 人工訴求反而係其次.

不過, 呢個其實係一個死局.
楂甸長期唔夠人, 所以KEEP住要員工OT, 以及全年請人,
新人入到黎發現好辛苦, 於是就走人, 現有員工要OT先夠人手,
於是又繼續請新人, 但另一批新人又因為辛苦又離去, 於是個問題不停loop...
如果個新人捱得, 半年已經可以升職做掃把 (可見人手真係好不足 = =)

[ 本帖最後由 AVW56 於 2011-11-2 11:47 編輯 ]

這次工潮事件便會想起早前有人在 Youtube 上載那條擲行李的片段，那位職員正是在怡中任職，或許因為在那裡工作太辛苦，那位職員便用擲行李來發洩。