上水龍豐商場囍宴大酒樓正式結業

今日所見，上水龍豐商場囍宴大酒樓門口貼左張「正式結業」o既通告
店內o既裝修亦開始拆走，同時亦見到酒樓部份爐具等器材擺放o︼係附近馬路，由貨車陸續運走....

從此要o係上水市中心一帶茶樓飲茶食點心，就要焗住去上水中心間海港酒樓度等大約五六十張檯先得

都可以行入石湖墟去行樂軒飲茶O既...

原帖由 tkf_2005 於 2011-6-17 17:13 發表
都可以行入石湖墟去行樂軒飲茶O既...

不過行樂軒個位又唔算特別就腳...
諗諗下其實上水市中心仲有彩園邨o既麗都讌客酒樓，不過聽我d住北區o既fd講過，幫襯完之後覺得o個間酒樓d食物質素都幾差

今日所見，以前酒樓面向龍琛路、智昌路交界o既正門，而家間開左兩邊
近智昌路，隔離係報紙檔o個邊將會開史丹福游泳學校
而近龍琛路，隔離係貢茶/重慶酸辣粉o個邊都仲係拆緊野

睇o黎呢個舖位十幾廿年以o黎都係酒樓o既傳統經已到此為止
就算再開返酒樓，睇怕都已經將面向龍琛路、智昌路交界o既正門放棄