其實可唔可以解釋下, 你講既路線 1,3C,7,9,10,11,203E 何來互相重疊之有?
在我而言, 呢堆線各自服務緊不同地區, 即係
1 - 竹園 / 九龍城往返油尖旺
3c - 慈雲山 / 樂富往返油尖旺
7 - 窩打老道往返油尖旺
9 / 203E - 亞皆老街一帶往返油尖旺
10 - 大角咀 / 富榮一帶往九龍各區
11 - 鑽石山 / 黃大仙往返土瓜灣及土瓜灣往返佐敦一帶
個人認為, 上述條條路線的角色都唔同, 閣下又何必要將它們來個大兜亂?
況且, 路線更改之後, 唔覺得行車時間會減少之餘, 仲要搞到條條線都少左一堆客。以 1 號為例, 繁忙時間 / 假日往往竹園三個站上到大半滿, 出到東頭邨就開始要企, 上埋聯合道兩個站就分分鐘頂閘, 但閣下的建議就偏偏要將 1 號改經較少客的九龍塘一帶, 咁又何必這樣改呢?
純粹個人意見, 歡迎討論 |
