[問]青沙公路通車後各道路使用情況?

請問現時青沙公路各路段流量如何?
而大埔道同城門隧道仲多唔多貨櫃車行?

小弟係放榜果日搭過的士行青沙
都係例牌果句，沙田IVE之後已經塞到死，多數都係貨車
過左偉華之後有唔少私家車同貨車入左青沙，之後一直暢通無阻
尖山隧道，你當行緊西隧，只係冇巴士同多重型車行
過左長沙灣個出口之後可以講已經唔見車影，直到西九快速上昂橋個位
橋上都唔係好多車行，我個Fd問咁大條橋點解冇車行...
落青衣個位，多數都係貨車用

-大埔道既貨車數量其實真係少左，不過青沙自己既貨車量都唔算太多，可能關中港貨運萎縮事
-大橋既車流又唔可以話少既，不過D車最major行既路，其實三幹都可以做到個function

呈祥道落唔到昂船洲大橋，都對大橋車量有一定影響，假如駁到呈祥道的話，相信不少車輛會選用。

我幾次搭私家車想遊大橋河都唔係有十足把握：
第一次，由大嶼山出鑽石山，要在貨櫃碼頭入面兜，又驚行錯路，最後都用了最適當的途徑出到呈祥道；
第二次，由何文田往大嶼山，佐敦道上西九龍公路，往大嶼山方向，呢次最順路；
第三次，由大嶼山往鑽石山，但係朋友駕車唔熟路，結果去到佐敦先出返，送個朋友去紅磡先；
第四次，由鑽石山往大嶼山，在貨櫃碼頭一堆迴旋處行錯路，要出到九龍站先有得返轉頭。

整條八幹青沙段，敗筆都係出入口照顧唔到與主要舊路的接駁，
條路係就係經過長沙灣頭頂，但長沙灣任何一條傳統主幹道都上唔到去。

原帖由 DIH 於 2010-8-10 09:20 發表

呈祥道落唔到昂船洲大橋，都對大橋車量有一定影響，假如駁到呈祥道的話，相信不少車輛會選用。

我幾次搭私家車想遊大橋河都唔係有十足把握：
第一次，由大嶼山出鑽石山，要在貨櫃碼頭入面兜，又驚行錯路，最後都用了最適當的途徑出 ...

只能夠怪千禧後0既新幹線設計，已經唔及成堆八 / 九十後公
路0黎得咁有腦：0係最方便0既地方，起最多0既支路去吸引
龐大車流。

睇返八十年代0既東廊、觀塘繞道、新界環迴公路，九十年代
0既西九、將隧、三幹（欖隧收得貴就另計）等等，全部都係
新落成0個陣，已經好成功咁將舊路0既車引過去新路。有 D
公路0既車流，甚至大到要0係後期做擴闊工程；但0係千禧後
0既深西同八幹？有幾多車用，大家有眼睇啦......

原帖由 nwfb1601 於 2010-8-10 20:42 發表

只能夠怪千禧後0既新幹線設計，已經唔及成堆八 / 九十後公
路0黎得咁有腦：0係最方便0既地方，起最多0既支路去吸引
龐大車流。

睇返八十年代0既東廊、觀塘繞 ...

青沙個規劃已經有左好耐，最遲1996年左右已經有走線，
諗下佢係同北嶼青馬一齊劃做八幹，紙上歷史其實好耐，
應該自玫瑰園計劃時已經出現，要怪就怪起之前冇revise一下。
例如，若呈祥道西行可以上八幹往昂船洲及沙田兩個方向，
應該可以發揮更大分流作用，如果有這種走法，
由呈祥道去青馬大橋，行三幹同八幹路程會差唔多，
但八幹就非常筆直，車流可以加快。得個講字～