請假及辭職理由, 各位點樣交待?

請假及辭職理由, 各位點樣向公司交待?

例如我要請假返學校去考試/温書, 請假去見工, 請假去處理私人事務, 請假去旅行, 理由應該點寫?

至於辭職, 例我做左呢份工幾日至幾個月, 期間有新公司比左offer我, 我有感興趣跳糟, 理由應該點寫?

最簡單：屋企有事！

話私人理由辭職就得
實在唔需要講太多

你是否剛投入勞動市場呢？
你要請假，如果你以見工作為理由，你估你的上司或老闆會否有一個理由炒你？
如果你去旅行，為何你不等可支取有薪年假後，向公司申請年假才去旅行？有沒有必要請無薪事假，蝕薪金給公司？

原帖由 gn3509 於 2010-6-23 21:37 發表
話私人理由辭職就得
實在唔需要講太多

呢招唔係話唔得
不過宜家好多老細都識借機會問你係乜私人原因
讓你不知不覺吐少少口風
反正你放完封信唔會即刻調頭出番去嘛
一分半分鐘做老細既已經可以用方法套到料
除非你一係就再編定個故事, 入去前麻醉自己先啦

其實你有心走
大可以話已經找到了其他範疇的工作咪算囉
邊間公司就唔駛話俾佢聽
咁通常都收貨架喇

基本上辭職既話, 話想去第二度見識下(就算係做返果類野), 就已經 OK.
好多老闆一聽到已經明, 講真, 依家無乜老闆會預你同佢做人世.

不過要留意返, 如果你份 contract 寫明唔可以去某 D 機構做 (如對手
公司咁), 當老闆問到你時, 千祈唔好講果 D 公司 (就算自己真係都好).
否則會比人一個壞印象.

至於請假, 除左係請假去見工, 其餘都可以照直講. 至於見工, 就可以
直頭話想休息一下 (如果係用 Annual Leave, 而自己又好耐無放假既話),
再唔係咪話屋企有事, 要陪屋企人去覆診 (當然呢個唔可以用得太密,
否則容易穿煲) 等等.